მამაკაცი ყოველდღიურად სვამდა 3 ლიტრ ამ სასმელს, რის შედეგადაც შარდის ბუშტში 35 ქვა "დაუგროვდა": შესაძლებელია თუ არა ეს მომხდარიყო? სამედიცინო შემთხვევ - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

მამაკაცი ყოველდღიურად სვამდა 3 ლიტრ ამ სასმელს, რის შედეგადაც შარდის ბუშტში 35 ქვა "დაუგროვდა": შესაძლებელია თუ არა ეს მომხდარიყო? სამედიცინო შემთხვევა

პაციენტს აღენიშნებოდა ძლიერი დისკომფორტი შარდვისას, რომელიც დროთა განმავლობაში უფრო და უფრო შემაწუხებელი ხდებოდა და საბოლოოდ მამაკაცმა მიმართა სამედიცინო დახმარებას. ულტრაბგერითი გამოკვლევის დროს შარდის ბუშტში ქვები აღმოაჩინეს - არა ორიან სამი, არამედ ოცდათხუთმეტი. სიტუაცია საჭიროებდა სასწრაფო ქირურგიულ ჩარევას.

ოპერაციის დროს სპეციალისტებმა შარდის ბუშტიდან ათობით მკვრივი წარმონაქმნები ამოიღეს. ქვების საერთო მასა დაახლოებით 300 გრამი იყო. ზოგიერთი მათგანი დიამეტრი თითქმის ორ სანტიმეტრს აღწევდა, წერს გამოცემა Daily Mail.

კენჭების წარმატებით ამოღების შემდეგ უროლოგი პაციენტს გაესაუბრა. საუბრისას გაირკვა, რომ მამაკაცი მრავალი წლის განმავლობაში ყოველდღიურად სვამდა სამ ლიტრ გაზიან სასმელს - კოლას. ის მას ზოგჯერ ან გონივრული რაოდენობით კი არ სვამდა, არამედ მან ფაქტობრივად ჩაანაცვლა წყალი კოლათი, დილით, შუადღისას და საღამოს.

ექიმმა აღნიშნა, რომ ასეთ მძიმე მდგომარეობას იწვევს კოლაში შემავალი შაქრისა და ფოსფორმჟავას ჭარბი რაოდენობა. ეს ნივთიერებები, მუდმივი მოხმარებისას, არღვევს მინერალურ ცვლას და ხელს უწყობს საშარდე ორგანოებში მარილების დაგროვებას.

„გაზიანი სასმელი არ არის შხამი, მაგრამ ასეთი რაოდენობით მოხმარებისას შეიძლება რეალურ პრობლემად იქცეს“, - განაცხადა ანდრადემ.

ექიმი აქვე გვახსენებს:

  • არ ჩაანაცვლოთ წყალი ტკბილი სასმელებით;
  • დალიეთ მინიმუმ 1,5-2 ლიტრი წყალი დღეში;
  • პირველივე სიმპტომების დროს (დისკომფორტი, ტკივილი შარდვისას) - სასწრაფოდ მიმართეთ ექიმს.

ამბავი კარგად დასრულდა: ქვები ამოიღეს, ავადმყოფმა გამოჯანმრთელება დაიწყო. მაგრამ მას აუცილებლად მოუწევს ჩვევების შეცვლა ასეთი შემთხვევის შემდეგ.

5 ნიშანი იმისა, რომ ძალიან ბევრ სითხეს სვამთ

იდეალურად სუფთა წყალიც კი შეიძლება ჯანმრთელობისთვის საშიში გახდეს, თუ ზედმეტად ბევრს სვამთ.

სუფთა წყლის საკმარისი რაოდენობა კარგი ჯანმრთელობის, სილამაზის (კანსაც და თმასაც სჭირდება დატენიანება) და დღეგრძელობის წინაპირობაა (ალცჰაიმერის დაავადების პრევენციის ერთ-ერთი მნიშვნელოვანი პუნქტია სასმელის რეჟიმის დაცვა).

რვა ჭიქა დღეში მიახლოებითი მაჩვენებელია, ნორმას ყველა დამოუკიდებლად განსაზღვრავს. მაგრამ მნიშვნელოვანია გვახსოვდეს, რომ ზედმეტი წყალი შეიძლება ისეთივე საშიში იყოს, როგორც მისი მუდმივი ნაკლებობა. და თუ შეამჩნევთ რომელიმე ამ ნიშანს, გაითვალისწინეთ: შეიძლება დაგჭირდეთ სითხის რაოდენობის შემცირება.

1. ღამით იღვიძებთ ტუალეტში წასასვლელად.

ადამიანების უმეტესობა დღეში ექვს-რვაჯერ მიდის ტუალეტში და თუ თქვენი შარდი გამჭვირვალეა და ღია ჩალისფერია, სავარაუდოდ, საკმარის სითხეს იღებთ.

მაგრამ თუ თქვენ შარდავთ დღეში ათზე მეტჯერ, ან თუნდაც ღამით უნდა გაიღვიძოთ ტუალეტში წასასვლელად, შესაძლოა იმაზე მეტს სვამთ, ვიდრე საჭიროა. ეცადეთ დალიოთ ბოლო ჭიქა წყალი დაძინებამდე ორი საათით ადრე, რათა თავიდან აიცილოთ თირკმელების გადატვირთვა.

2. გრძნობთ დაღლილობას

თუ ძალიან ბევრ წყალს სვამთ, თირკმელები ზეგანაკვეთურად მუშაობენ – ამის ერთ-ერთი შედეგი კი სტრესის ჰორმონების გამოყოფაა. ხანმოკლე ენერგეტიკული პიკის შემდეგ ვიღებთ ერთგვარ „ნაბახუსევს“, რომელსაც თან ახლავს მომატებული დაღლილობის შეგრძნება.

თუ ამ ბოლო დროს ამჩნევთ მსგავსი რამეს, სცადეთ შეამციროთ სითხის რაოდენობა.

3. გაქვთ თავის ტკივილი

ძლიერი თავის ტკივილი მთელი დღის განმავლობაში არის ზედმეტი წყლის დალევის კიდევ ერთი სიმპტომი. ფაქტია, რომ სისხლში ჭარბი სითხის შემცველობის გამო მარილის შემცველობა იკლებს, რაც თავის მხრივ უჯრედების „შეშუპებას“ იწვევს. შედეგები შეიძლება მოიცავდეს არა მხოლოდ თავის ტკივილს, არამედ სუნთქვის გაძნელებას და ტვინის ფუნქციის დარღვევას.

4. კუნთების სპაზმი ან სისუსტე თქვენი ხშირი თანამგზავრია.

თუ სვამთ იმაზე მეტ წყალს, ვიდრე გჭირდებათ, ელექტროლიტების დონე მნიშვნელოვნად მცირდება და ვითარდება კუნთების სპაზმი და კრუნჩხვები. ამიტომ მნიშვნელოვანია სითხის ბალანსის მონიტორინგი - და არ დალიოთ საჭიროზე მეტი.

5. შეშუპება

ორგანიზმში სითხის შეკავებამ შეიძლება გამოიწვიოს შეშუპების განვითარება, ასევე კანის ფერის ცვლილება ხელების, ფეხების და ტუჩების მიდამოში. თუ შეამჩნევთ ამ სიმპტომებს, დაუყოვნებლივ შეამცირეთ წყლის ყოველდღიური მიღება!