მეორე მსოფლიო ომის რამდენი მონაწილე მიიღებს სახელმწიფოსგან 2000-ლარიან დახმარებას?
ფაშიზმზე გამარჯვების 80 წლისთავთან დაკავშირებით, მეორე მსოფლიო ომის მონაწილე ვეტერანები, ფულადი, სოციალური დახმარების სახით, 2000 ლარს მიიღებენ, ხოლო მეორე მსოფლიო ომში დაღუპულთა ოჯახის წევრები, კერძოდ, მეორე მსოფლიო ომში დაღუპულის მეუღლე და ბავშვობიდან შშმ შვილი, რომლებიც ვეტერანების საქმეთა სახელმწიფო სამსახურის მონაცემთა ბაზაში არიან რეგისტრირებულნი _ 1000 ლარს.
- ერთჯერადი დახმარების მიმღები პირი, სავალდებულოა, იყოს ვეტერანის სტატუსის მქონე, ირიცხებოდეს სამსახურის ელექტრონულ სააღრიცხვო ბაზაში და გააჩნდეს შესაბამისი კოდი და ვეტერანის მოწმობა.
- ინფორმაციისთვის, ვეტერანების საქმეთა სახელმწიფო სამსახურის მონაცემთა ბაზის მიხედვით, ფულადი, სოციალური დახმარების სახით, მეორე მსოფლიო ომის 57 მონაწილე მიიღებს 2000 ლარს, ხოლო 115 ბენეფიციარი - 1000 ლარს.
