რომელ ასაკში უარესდება ფიზიკური აქტივობის მაჩვენებელი
ასაკის მატებასთან ერთად კუნთების ძალისა და მასის შემცირების ზუსტად „პროგნოზირება“ შეუძლებელია. სტატისტიკურად შეუძლებელია იმის თქმა, თუ როგორ შეიცვლება ადამიანის ფიზიკური აქტივობის დონე 30, 40 და 50 წლის ასაკში.
65 წლის შემდეგ, ბუნებრივი დაბერების პროცესები მიმდინარეობს ყველა ადამიანში.
სხვადასხვა ასაკობრივ ჯგუფში არიან ფიზიკური აქტივობის სხვადასხვა დონის ადამიანები. ზოგიერთ, ორმოცდაათი წლის ადამიანს შეუძლია მეტი და მრავალფეროვანი ვარჯიში, ვიდრე ოცდაათი წლის ბევრ ადამიანს.
65 წლის ნავარჯიშევ ადამიანებში სხეულის დასუსტების პროცესი უფრო ნელი ტემპით მოხდება. ასეთი „ჯანმრთელობის რეზერვის“ შესაქმნელად რეკომენდებულია კვირაში მინიმუმ 150-300 წუთი დაუთმოთ აერობულ ვარჯიშს.
აერობული ძალისმიერი ვარჯიში საჭიროა კვირაში ორ-სამჯერ 30 წუთის განმავლობაში, ასევე აუცილებელია რეგულარულად წონასწორობის დაცვის ვარჯიშების, გაჭიმვების, სუნთქვითი ვარჯიშების შესრულება ან იოგა.
მიზანშეწონილია ვარჯიში ყოველდღე; ვარჯიშის ეფექტურობის კრიტერიუმი იქნება ოფლის გამოყოფის მდგომარეობამდე მიღწევა. ასაკოვანი ადამინებისთვის მნიშვნელოვანია ექიმთან შეათანხმონ დატვირთვების ინდივიდუალური მოცულობა.
როგორ გავაძლიეროთ იმუნიტეტი სიბერეში
ადეკვატური ძილი, სათანადო კვება და სტრესის შემცირება დადებითად აისახება ხანდაზმული ადამიანების იმუნიტეტზე.
ასაკთან ერთად, ადამიანის იმუნიტეტი თანდათან სუსტდება. წლების განმავლობაში იმუნური უჯრედების ფუნქცია და აქტივობა უარესდება, რის შედეგადაც ძლიერდება ყველა ანთებითი პროცესი. ამრიგად, მწვავე ინფექციის ან ქრონიკული დაავადების გამწვავების ერთი ეპიზოდი შეიძლება გახდეს სერიოზული გამოწვევა ხანდაზმული ადამიანებისთვის.
- ამ მიზეზით, მნიშვნელოვანია, რომ პენსიონერებმა თავი აარიდონ სიტუაციებს, როდესაც ისინი შეიძლება დაავადდნენ ან რაიმეთი დაინფიცირდნენ.
- სასურველია პირადი დამცავი საშუალებების გამოყენება და ავადმყოფებთან კონტაქტის თავიდან აცილება. რაც შეეხება მწვავე რესპირატორულ ინფექციებს, ხანდაზმულებისთვის რეკომენდირებულია დროული იმუნიზაცია გრიპის, პნევმოკოკური ინფექციის და სხვათა წინააღმდეგ.
საჭიროა თავიდან აიცილოთ სტრესი, იძინოთ საკმარისი ოდენობით, იკვებოთ რაციონალურად და მნიშვნელოვანია ზომიერი ფიზიკური დატვირთვა. ხანდაზმული ადამიანების დიეტა უნდა შეიცავდეს ცილის შემცველ საკვებს. ეს შეიძლება იყოს რძის პროდუქტები, მცენარეული საკვები, პარკოსნები, თევზი, ქათამი, მაგრამ არა ცხიმიანი ხორცი.
გარდა ამისა, ხანდაზმულებმა უნდა მოიხმარონ ბოჭკოვანი, რომელიც ბოსტნეულსა და ხილშია და ხელს უწყობს ნაწლავების ჯანმრთელობას. მნიშვნელოვანია, რომ არ დაივიწყოთ ვიტამინები.
A ვიტამინი გვხვდება სტაფილოში, კარაქში, ვირთევზას ღვიძლში, გარგარის ჩირში და მოცვში. D ვიტამინის მიღება შესაძლებელია თევზისა და კვერცხისგან, ხოლო C ვიტამინის ციტრუსიდან. ვიტამინი E გვხვდება ბევრ, ძირითადად მცენარეული წარმოშობის საკვებში. ასაკთან ერთად ჩნდება რკინადეფიციტური ანემიის ტენდენცია, ამიტომ მნიშვნელოვანია ხორცის ჭამა.