მეცნიერებმა დაადგინეს, რომ ნახშირწყლებზე უარის თქმა ზრდის კიბოს განვითარების რისკს
ტორონტოს უნივერსიტეტის მეცნიერებმა დაადგინეს, რომ ნახშირწყლების დაბალი შემცველობის დიეტამ, შეიძლება გააძლიეროს ნაწლავის მიკროორგანიზმების მოქმედება, რომლებიც აზიანებენ დნმ-ს, რითაც იზრდება კოლორექტალური კიბოს განვითარების რისკი. კვლევის შედეგები გამოქვეყნებულია Nature Microbiology-ში.
ექსპერიმენტის მსვლელობისას მეცნიერებმა თაგვები გაანაწილეს სამ ჯგუფად და მათ სხვადასხვა ტიპის დიეტა დაუნიშნეს:
- სტანდარტული დიეტა
- დაბალი ნახშირწყლოვანი დიეტა
- დასავლური დიეტა (ცხიმებისა და შაქრის მაღალი შემცველობით)
ამის შემდეგ ყველა ჯგუფის თაგვის ორგანიზმში შეიყვანეს Escherichia coli-ს (E. coli) Nissle შტამი, რომელიც გამოიმუშავებს დნმ-ის დამაზიანებელ ნაერთს – კოლიბაქტინს.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
შედეგებმა აჩვენა, რომ ნახშირწყლების (მათ შორის უჯრედისის) ნაკლებობა დიეტაში აძლიერებდა ანთებით პროცესებს ნაწლავში და ქმნიდა გარემოს, რომელიც ხელს უწყობდა E. coli-ის გამრავლებას.
გარდა ამისა, გაირკვა, რომ იმ თაგვებს, რომლებიც ნახშირწყლებს არ მოიხმარდნენ, ნაწლავში არსებული ლორწოვანი გარსი (რომელიც მიკრობებს ეპითელური უჯრედებისგან გამოყოფს) შედარებით თხელი ჰქონდათ. ამ ბუნებრივი ბარიერის შესუსტების გამო, კოლიბაქტინის მეტი რაოდენობა აღწევდა მსხვილი ნაწლავის უჯრედებში, რაც გენეტიკური დაზიანებებისა და კიბოს წარმოქმნის რისკს ზრდიდა.
მკვლევრების აზრით, კიბოს განვითარების მსგავმა მექანიზმებმა შესაძლოა ადამიანებშიც შეასრულონ გარკვეული როლი. ჰიპოთეზის დასადასტურებლად, მეცნიერები გეგმავენ ახალ ექსპერიმენტს, რომლის ფარგლებშიდაც შეისწავლიან, შეუძლია თუ არა წყალში ხსნადი უჯრედისის (ინულინის) დანამატს დაიცვას პაციენტები, რომლებსაც ნაწლავის ანთებითი დაავადებები აქვთ.
საუკეთესო პროდუქტები ნაწლავის მიკროფლორის გასაძლიერებლად
Nutrients: რძის პროდუქტები ყველაზე ეფექტურად არეგულირებენ ნაწლავის მიკრობიომს.
აშშ-ის ბეილორის სამედიცინო კოლეჯის მეცნიერებმა დაადგინეს, რომ რძის პროდუქტების რეგულარული მოხმარება ნაწლავის მიკრობების მრავალფეროვნებას და სასარგებლო ბაქტერიების რაოდენობას ზრდის. კვლევის შედეგები გამოქვეყნებულია Nutrients-ში.
მკვლევრები ფოკუსირდნენ ნაწლავის ლორწოვან გარსთან დაკავშირებულ მიკრობიოტასა და რძის პროდუქტებს შორის კავშირზე. მათ გააანალიზეს 34 მოხალისის მსხვილი ნაწლავის ლორწოვანი გარსის ბიოფსიის შედეგები და ასევე მოითხოვეს მათი კვების რაციონის აღწერა, რათა დაედგინათ, რა რაოდენობით მოიხმარდნენ ისინი რძის პროდუქტებს.
შედეგებმა აჩვენა, რომ რძის რეგულარული მოხმარება ნაწლავის ფლორის მრავალფეროვნებას უკავშირდება. ეს მრავალფეროვნება ხელს უწყობს მიკრობიომის ბალანსს, აძლიერებს იმუნურ სისტემას და აუმჯობესებს საჭმლის მომნელებელ პროცესებს.
გარდა ამისა, მკვლევრებმა აღმოაჩინეს, რომ რძე, ხაჭო და იოგურტი ხელს უწყობს Akkermansia-ს ბაქტერიების რაოდენობის ზრდას, რაც ეხმარება ნაწლავის მიკრობული ბალანსის შენარჩუნებას და ნივთიერებათა ცვლის რეგულაციას.
საინტერესოა, რომ ყველის მოყვარულ ადამიანებში შემცირებული აღმოჩნდა Bacteroides-ის ბაქტერიების რაოდენობა, რომლებიც უჯრედისის გადამუშავებაში მონაწილეობენ.
