ლალი ჩხიკვაძე

26 წლის კეტი ვულსს, დიდი ბრიტანეთიდან, სიმაღალის გამო უჭირს რომანტიკული ურთიერთობების დაწყება, მისი სიმაღლის მამაკაცებთანაც კი. მან პირად ცხოვრებაში და საძინებელში არსებულ სირთულეებზე Daily Mail-სთან ისაუბრა.

კეტის თქმით, მისი სიმაღლე 203 სანტიმეტრია. მან აღნიშნა, რომ სამყარო არ არის შექმნილი ასეთი მაღალი ადამიანებისთვის. მაგალითად, ის უფრო მაღალია, ვიდრე კარის ჭრილები; არ იკერება მისი ზომის ტანსაცმელი და ფეხსაცმელი. მიუხედავად ამისა, გოგონამ აღიარა, რომ არასოდეს იყო საპირისპირო სქესის ყურადღების ცენტრში. მართალია, მისმა სიმაღლემ დიდი გავლენა მოახდინა რომანტიკულ ურთიერთობაზე.

"17 წლის ვიყავი, როცა პირველი შეყვარებული მყავდა. საერთო მეგობრების მეშვეობით გავიცანით სოციალურ ქსელებში. პირველი შეხვედრისას, კაფეში შესვლის დროს, სახეზე ეტყობოდა, თითქოს გაქცევა სურდა. მისი სიმაღლე დაახლოებით 175 სანტიმეტრი იყო", - იხსენებს გოგონა.

კეტიმ დაამატა, რომ მათ მალე დაიწყეს შეხვედრა, მაგრამ ახალგაზრდა მამაკაცი ცდილობდა მის გვერდით არ დამდგარიყო, საჯაროდ არ ჩახუტებოდა ან ეკოცნა.

კეტიმ აღიარა, რომ ხშირად შეხვედრია ფეტიშისტებს, რომლებსაც გაუკუღმართებული ინტერესი ჰქონდათ მისი სიმაღლის მიმართ. "ერთმა მკითხა, შემეძლო თუ არა მისი ბავშვივით ხელში აყვანა. მეორემ თქვა, რომ ის თავს ჩემს შვილად გრძნობდა", - თქვა მან და დასძინა, რომ ამის მერე უარი თქვა მათთან მეორე პაემანზე წასვლაზე.

გოგონამ დასძინა, რომ სიმაღლე მას ხელს არ უშლის სექსში. მხოლოდ გარკვეულ შემთხვევებში ახლავს სირთულეები.

ასევე წაიკითხეთ

სიმაღლე იცავს დიაბეტისგან

ყოველი დამატებითი ათი სანტიმეტრი სიმაღლე დაავადების რისკს 30-40%-ით ამცირებს.

კვლევის შედეგები, რომელიც ჩაატარა გერმანიის კვების ინსტიტუტის, გერმანიის დიაბეტის კვლევის ცენტრის, ტუბინგენის უნივერსიტეტისა და პოტსდამის უნივერსიტეტის (გერმანია) მეცნიერთა ჯგუფის მიერ, გამოქვეყნდა ჟურნალში Diabetologia.

მკვლევარებმა გააანალიზეს ქალაქ პოტსდამის 27 500 -ზე მეტი მაცხოვრებლის მონაცემები. 1994–1998 წლებში ეს ადამიანები იყვნენ 35-დან 65 წლამდე. მონაცემები მოიცავდა წონას, სიმაღლეს, სიმაღლეს ჯდომისას (რაც საშუალებას იძლევა გამოითვალოს ფეხის სიგრძე), წელის გარშემოწერილობა, არტერიული წნევა და სისხლის ანალიზის შედეგები გულ-სისხლძარღვთა სისტემის ფუნქციონირებისა და მეტაბოლიზმის დამახასიათებელი ინდიკატორებისთვის (კარდიომეტაბოლური მარკერები).

ანალიზის შედეგად, შემთხვევით შეირჩა 2662 ადამიანი და მათგან თითქმის 700-ს დაუსვეს ტიპი 2 შაქრიანი დიაბეტის დიაგნოზი შვიდი წლის განმავლობაში.

როდესაც მკვლევარებმა გაითვალისწინეს ისეთი ფაქტორები, როგორიცაა ასაკი, განათლება, წელის გარშემოწერილობა და ცხოვრების წესი, აღმოჩნდა, რომ სიმაღლე და ტიპი 2 დიაბეტის განვითარების რისკი საპირისპირო კავშირშია - რაც უფრო მეტია სიმაღლე, მით ნაკლებია რისკი.

ამრიგად, ყოველი დამატებითი ათი სანტიმეტრი სიმაღლე ასოცირდება მამაკაცებში დიაბეტის განვითარების შანსების 41%-ით და ქალებში 33%-ით შემცირებასთან.

უფრო მეტიც, ეს კავშირი განსაკუთრებით გამოხატულია ნორმალური წონის მქონე ადამიანებში - ყოველი დამატებითი ათი სანტიმეტრი სიმაღლე ამ შემთხვევაში ასოცირდება დიაბეტის რისკის შემცირებასთან მამაკაცებში 86%-ით, ხოლო ქალებში 67%-ით. ჭარბი წონისა და სიმსუქნის მქონე ადამიანებისთვის სიმაღლე არც ისე საიმედოდ იცავს დიაბეტისგან: მამაკაცებში რისკი მცირდება 36%-ით, ხოლო ქალებში 30%-ით.

ასევე მნიშვნელოვანია ფეხების სიგრძე - რაც უფრო გრძელია ის, მით უფრო დაბალია დიაბეტის რისკი. თუმცა, თუ მამაკაცებში, ამ თვალსაზრისით, მნიშვნელოვანია ფეხების სიგრძისა და სხეულის სიგრძის თანაფარდობა (მამაკაცებში მაღალი სიმაღლის, მაგრამ შედარებით მოკლე ფეხების მქონე მამაკაცებში დაავადების რისკი, პირიქით, იზრდება), მაშინ ქალებისთვის ეს გარემოება არ არის მნიშვნელოვანი.

• მეცნიერები ვარაუდობენ, რომ ბიჭებისთვის, დიაბეტის მომავალი რისკის გათვალისწინებით, განსაკუთრებული მნიშვნელობა აქვს ზრდის ინდიკატორებს სქესობრივ მომწიფებამდე პერიოდში, როდესაც ძირითადად სიგრძეში იზრდება ფეხები და არა ზრდის მაჩვენებლებს პუბერტატში, როდესაც ხდება სხეულის ძვლების ინტენსიური ზრდა. გოგონებისთვის კი ეს ორივე პერიოდი მნიშვნელოვანია.
• სიმაღლესა და დიაბეტის რისკს შორის კავშირი შეიძლება აიხსნას იმით, რომ მაღალ ადამიანებს საშუალოდ აქვთ უკეთესი გულ-სისხლძარღვთა და მეტაბოლური ჯანმრთელობა, დაასკვნეს მკვლევარებმა კარდიომეტაბოლური მარკერებისთვის მონაწილეთა სისხლის ანალიზის შედეგებზე დაყრდნობით.