ლალი ჩხიკვაძე

• მადრიდში უროლოგიის ევროპული ასოციაციის კონგრესზე წარმოდგენილი კლინიკური კვლევის შედეგების მიხედვით, ინოვაციურ NeuroSAFE ტექნიკას შეუძლია მნიშვნელოვნად გააუმჯობესოს იმ მამაკაცების ცხოვრების ხარისხი, რომლებსაც ჩაუტარდათ პროსტატის კიბოს გამო ოპერაცია. ნაშრომი გამოქვეყნდა ჟურნალში The Lancet Oncology.

NeuroSAFE მეთოდი საშუალებას აძლევს ქირურგებს რეალურ დროში შეამოწმონ, რჩება თუ არა კიბოს უჯრედები პროსტატის კიდეებზე სიმსივნის მოცილების ოპერაციის დროს.

თუ ისინი არ იქნა ნაპოვნი, ერექციაზე პასუხისმგებელი ნერვული ქსოვილი შეიძლება შენარჩუნდეს. სტანდარტული ოპერაციებისგან განსხვავებით, სადაც ქირურგები ხშირად აშორებენ მეტ ქსოვილს სიმსივნის სრული მოცილების უზრუნველსაყოფად, NeuroSAFE იძლევა ყველაზე ნაზი ჩარევის საშუალებას, პაციენტისთვის რისკის გარეშე.

ოპერაციიდან ერთი წლის შემდეგ, მამაკაცების 39%-ს, რომლებმაც ჩაიტარეს NeuroSAFE პროცედურა, არ აღენიშნებოდა სერიოზული ერექციული პრობლემები. მაშინ როდესაც, იმ მამაკაცებში, რომლებსაც ჩაუტარდათ სტანდარტული ოპერაცია, ეს მაჩვენებელი მხოლოდ 23%-ს შეადგენდა. გარდა ამისა, პაციენტებმა, რომლებმაც ჩაიტარეს NeuroSAFE, უფრო სწრაფად აღიდგინეს შარდვის კონტროლი.

მიუხედავად იმისა, რომ ეს მეთოდი გერმანიაში 20 წელზე მეტია გამოიყენება, ის ჯერ კიდევ არ არის გავრცელებული ქვეყნის ფარგლებს გარეთ. ახლა მეცნიერები იმედოვნებენ, რომ კვლევის წარმატებული შედეგები დაეხმარება მთელს მსოფლიოში NeuroSAFE-ის კლინიკურ პრაქტიკაში დანერგვას, რაც გააუმჯობესებს მამაკაცების შანსს, ოპერაციის შემდეგ, არ დაკარგონ ცხოვრების ხარისხი.

დასახელებულია რვა მდგომარეობა, რომლებიც ამცირებს კიბოს განვითარების რისკს

Scientific Reports: რვა ფაქტორი ამცირებს კიბოს განვითარების რისკს.

Tianjiang-ის ზოგადი პოროფილის საავადმყოფოს (ჩინეთი) მეცნიერებმა დაადგინეს, რომ რვა ჯანსაღი ჩვევა აუცილებელია კიბოსგან თავის დასაცავად. კვლევის შედეგები გამოქვეყნდა ჟურნალში Scientific Reports.

მეცნიერებმა კიბოს პრევენციისთვის აუცილებელი ფაქტორების სია დაასახელეს Life's Essential 8 (LE8). იგი მოიცავს სხეულის წონის რეგულარულ მონიტორინგს, სისხლში გლუკოზისა და ქოლესტერინის დონისა და არტერიულ წნევის კონტროლს. ფიზიკური აქტივობა, მოწევისთვის თავის დანებება, სრულფასოვანი ძილი და სათანადო კვება ასევე მნიშვნელოვანია კიბოსგან თავის დასაცავად.

LE8-ის, კიბოს პრევენციის ყოვლისმომცველი ღონისძიების ეფექტურობის შესაფასებლად, მეცნიერებმა ჩაატარეს კვლევა, რომელშიც მონაწილეობა მიიღო 48330 მოხალისემ. 2006 და 2010 წლებში მათ გაიარეს სამი სამედიცინო გამოკვლევა LE8 დონის დასადგენად. 2006 წლიდან სამუშაოები ასევე მოიცავდა მონაცემებს Kailuan Group Co.-ის 101,510 თანამშრომლის შესახებ, რომელიც აწარმოებს ქვანახშირსა და ქიმიურ პროდუქტებს.

LE8 ქულები მიენიჭა თითოეულ მოხალისეს ამერიკის გულის ასოციაციის მიერ შემოთავაზებული ალგორითმის გამოყენებით.

შედეგად, გამოვლინდა LE8 ცვლილების სამი განსხვავებული ტრაექტორია: დაბალი სტაბილური, ზომიერად სტაბილური და მაღალი სტაბილური.

ანალიზმა აჩვენა, რომ მონაწილეებს, რომლებსაც ზომიერად სტაბილური და მაღალი სტაბილური LE8 მიდგომა ჰქონდათ, 15%-ით და 21%-ით ნაკლები ჰქონდათ კიბოს განვითარების საერთო რისკი, შესაბამისად. საშუალო ქულები ასევე დაკავშირებულია ძუძუს კიბოს(49%) და ღვიძლის კიბოს (34%) რისკის მნიშვნელოვან შემცირებასთან. მაღალი LE8 ქულა ასოცირდება უკეთეს დაცვასთან ფილტვის, ძუძუს, მსხვილი ნაწლავის და ღვიძლის კიბოსგან.