გამოვლინდა ბავშვის დასამშვიდებლად გაჯეტების გამოყენების მავნე ზემოქმედება
ამან შეიძლება გამოიწვიოს ქცევითი სირთულეები მომავალში, განსაკუთრებით მოზარდობის პერიოდში, ნათქვამია კვლევაში, რომელიც გამოქვეყნდა ჟურნალში Frontiers in Child and Adolescent Psychiatry.ექსპერტებმა ჩაატარეს გამოკითხვა ორიდან ხუთ წლამდე ასაკის ბავშვების 300 მშობელს შორის. კვლევის მონაწილეებმა განაცხადეს, რამდენად ხშირად იყენებდნენ ციფრულ მოწყობილობებს ბავშვების დასამშვიდებლად, ასევე ისაუბრეს მათი ემოციური უნარების განვითარების დონეზე.აღმოჩნდა, რომ ბავშვები, რომელთა მშობლები უფრო ხშირად იყენებდნენ ციფრულ მოწყობილობებს, უკვე ერთი წლის შემდეგ ვერ მართავდნენ ბრაზის გამოვლინებას. ისინი კარგად ვერ უმკლავდებოდნენ ბრაზს და იმედგაცრუებას, რადგან წარსულში არ ისწავლეს ემოციების დარეგულირება. ასევე ნაკლებად ცდილობდნენ ემოციების გაკონტროლებას, ვიდრე ის ბავშვები, რომლებიც იშვიათად იყენებდნენ ციფრულ მოწყობილობებს მსგავს სიტუაციებში.კვლევის ავტორებმა აღნიშნეს მშობლების მონაწილეობის მნიშვნელობა ბავშვების ქცევის მართვის სწავლების პროცესში. იმის ნაცვლად, რომ გამოიყენონ ციფრული მოწყობილობები ბავშვების დასამშვიდებლად, მშობლებს მოუწოდებენ დაეხმარონ ბავშვებს თავიანთი უარყოფითი ემოციების ამოცნობასა და მათთან გამკლავებაში.