ლითოტრიფსია-თანამედროვე მეთოდი თირკმლის და შარდსაწვეთის ქვების სამკურნალოდ- გიორგი ხვადაგიანი
რომელიც გამოიყენება თირკმლის და შარდსაწვეთის ქვების დასაშლელად. ეს მეთოდი ეფუძნება მაღალი ენერგიის ხმოვანი ტალღების გამოყენებას, რაც ქვების დაშლას იწვევს, რათა მათი ნაწილები ბუნებრივად გამოვიდეს ორგანიზმიდან შარდის საშუალებით.
როგორ მუშაობს ექსტრაკორპორალური ლითოტრიფსია?
პროცედურის დროს პაციენტი წვება სპეციალურ მაგიდაზე. მოწყობილობა, რომელსაც ლითოტრიპტორი ეწოდება, ქმნის ხმოვან ტალღებს, რომლებიც მიზანმიმართულად მიემართება ქვისკენ. ხმოვანი ტალღები გადის სხეულის რბილ ქსოვილებში, მათიდაზიანების გარეშე და პირდაპირ ქვაზე მოქმედებს.
დაშლის შედეგად მიღებული პატარა ნაწილაკები შარდთან ერთად ბუნებრივად გამოდის ორგანიზმიდან, რაც ამცირებს ქირურგიული ჩარევის საჭიროებას.
პროცედურის უპირატესობები:
- არაინვაზიურობა – არ საჭიროებს გაკვეთას ან ანესთეზიას.
- მოკლე აღდგენის პერიოდი – პაციენტი ხშირად პროცედურის დასრულებისთანავე უბრუნდება ყოველდღიურ საქმიანობას.
- ეფექტურობა – ეფექტურია პატარა და საშუალო ზომის ქვებისთვის (5-20 მმ).
- დაბალი რისკები – ქირურგიულ ჩარევასთან შედარებით ნაკლები გართულებების ალბათობა
მოსამზადებელი ეტაპი:
პროცედურის დაწყებამდე ექიმი აფასებს პაციენტის მდგომარეობას და ქვების ზომას, მდებარეობას და რაოდენობას. ასევე, პროცედურის წინ საჭიროა ჩატარდეს:
- კომპიუტერული ტომოგრაფია ქვების ვიზუალიზაციისთვის და მათი სიმკვრივი განსაზღვრისათვის.
- თუ ტომოგრაფია არაა ხელმისაწვდომი, ულტრასონოგრაფია ან რენტგენოგრაფია
- სისხლის და შარდის ანალიზი.
- მედიკამენტების მიღების შეზღუდვა, თუ პაციენტი იღებს სისხლის გამათხელებელ პრეპარატებს.
პროცედურის შემდეგ:
პაციენტს შესაძლოა განიცადოს დისკომფორტი, სისხლი შარდში ან ტკივილი ქვების ნაწილების გამოყოფის პროცესში. ეს სიმპტომები დროებითია და ზოგადად რამდენიმე დღეში ქრება. ექიმმა შეიძლება დანიშნოს სითხეების უხვად მიღება და ტკივილგამაყუჩებელი პრეპარატები.
ვის შეუძლია და ვის არ შეუძლია პროცედურის ჩატარება?
ლითოტრიფსია შესაძლოა ჩატარდეს:
- პაციენტებში პატარა ან საშუალო ზომის ქვებით, რომლის სიმკვრივეც ნაკლებია 1000HU-ზე.
არ არის რეკომენდირებული:
- ორსულებისთვის.
- პაციენტებისთვის, რომლებსაც აქვთ კოაგულაციის დარღვევები.
- პაციენტებში რომლებსაც აქვთ საშარდე გზების მწვავე ინფექცია.
- დიდი ქვების ან სხვა ანატომიური ბარიერების არსებობის შემთხვევაში.
ექსტრაკორპორალური ლითოტრიფსია არის თანამედროვე და უსაფრთხო მეთოდი საშარდე გზების ქვების მოსაშორებლად. მისი უპირატესობა მინიმალური ინვაზიურობა და სწრაფი აღდგენის პერიოდი გახლავთ. თუ გაქვთ თირკმლის ან შარდსაწვეთის ქვების პრობლემა, ეს მეთოდი შეიძლება იყოს თქვენი საუკეთესო არჩევანი.
კონსულტაცია:
მიუხედავად იმისა, რომ პროცედურა უსაფრთხოა, უმჯობესია, გაესაუბროთ თქვენს ექიმს, რათა მიიღოთ ინფორმაცია პერსონალიზებული მკურნალობის შესახებ.
ი. ჟორდანიას სახელობის სამედიცინო ცენტრის უროლოგიური სამსახურის უფროსი, გიორგი ხვადაგიანი
მის: ნუცუბიძე, ერმილე ბედიას 33
ტელ : 032 224 32 32
R