დაკავშირებულია თუ არა არტერიული წნევის ცვალებადობა აზროვნების პრობლემებთან - რა აჩვენა კვლევამ?
არტერიული წნევა დროთა განმავლობაში მერყეობს, შეიძლება მეტად ჰქონდეთ პრობლემები აზროვნებასა და მეხსიერების უნარებთან.
კვლევა არ ადასტურებს, რომ არტერიული წნევის მერყეობა აუცილებლად იწვევს აზროვნების უნარის გაუარესებას, კვლევამ მხოლოდ აჩვენა ასოციაცია.
კვლევის თანახმად, ეს შედეგები ვარაუდობს, რომ არტერიული წნევის მერყეობა კოგნიტური პრობლემების რისკ-ფაქტორს წარმოადგენს.
ხანდაზმულებს რეგულარულად უნდა აკონტროლონ არტერიული წნევა და დროთა განმავლობაში ნებისმიერი ცვლილება, რაც დაეხმარებათ შემეცნებითი პრობლემების თავიდან აცილებაში.
აქ მოცემულია რვა ჯანსაღი ჩვევა, რომლებიც შეგიძლიათ ჩართოთ რუტინაში, რათა დაეხმაროთ არტერიული წნევის დონის დაქვეითებას.
გაისეირნეთ ვახშმის შემდეგ
ვახშმის შემდეგ სეირნობა ხელს უწყობს არტერიული წნევის ჯანსაღ დონეს. ვახშმის შემდეგ მხოლოდ 15-დან 30 წუთის განმავლობაში სეირნობამ შეიძლება შეამციროს არტერიული წნევა.
ვახშმის შემდეგ გასეირნება ასევე კარგი საშუალებაა სისხლში შაქრის კონტროლისთვის, რადგან სისხლში შაქრის დონე პიკს აღწევს ჭამიდან დაახლოებით ერთი საათის შემდეგ. თუმცა, მიეცით სხეულს ცოტა დრო მონელებისთვის. უმჯობესია საკვების მიღებიდან დაახლოებით ორმოცი წუთი მოიცადოთ.
მიიღეთ არტერიული წნევის წამლები ძილის წინ
თუ თქვენ იღებთ არტერიული წნევის საშუალებებს ყოველდღე, მათი მიღების დროს შეიძლება ყველაფერი შეიცვალოს. თქვენი წამლის ძილის წინ მიღებას შეიძლება ჰქონდეს დიდი სარგებელი.
ძილის წინ წამლების მიღებით, თავიდან აიცილებთ არტერიული წნევის მატებას ძილის დროს, რაც გულ-სისხლძარღვთა დაავადებების მნიშვნელოვანი რისკ-ფაქტორია.
თუმცა, მკვლევარები გირჩევენ ესაუბროთ ექიმს რაიმე მნიშვნელოვანი ცვლილების განხორციელებამდე. შესაძლებელია საჭირო იყოს წამლის მიღება დილით.
დაიცავით ძილის რეგულარული გრაფიკი
არარეგულარული ძილი, ძილის ნაკლებობა ან ძილის პრობლემები, როგორიცაა ძილის ობსტრუქციული აპნოე, ასოცირდება მაღალ წნევასთან. ადამიანებს, რომლებსაც სძინავთ ექვს საათზე ნაკლებს ან ცხრა საათზე მეტს ღამეში, აქვთ მაღალი არტერიული წნევის რისკი, ჯანმრთელობის სხვა პრობლემებთან ერთად, მათ შორის გულის დაავადება, ინსულტი, ტიპი 2 დიაბეტი.
რეკომენდებულია ღამეში შვიდიდან ცხრა საათამდე ძილი. ასევე მნიშვნელოვანია დაიცვათ ძილის თანმიმდევრული გრაფიკი ჯანსაღი არტერიული წნევისთვის.
შეეცადეთ გაიღვიძოთ დაახლოებით ერთსა და იმავე დროს ყოველდღე.
ეცადეთ, ნაკლები მარილი მიირთვათ
მარილის ჭარბმა მოხმარებამ შეიძლება გამოიწვიოს არტერიული წნევის მატება. საღამოს კვებასთან ერთად მარილის დიდმა დატვირთვამ შეიძლება გამოიწვიოს სისტოლური არტერიული წნევის მნიშვნელოვანი მატება.
მარილის ჭარბი რაოდენობით მიღებას ასევე შეიძლება ჰქონდეს ჯანმრთელობის გრძელვადიანი შედეგები. ნატრიუმის ჭარბი რაოდენობა ავიწროებს სისხლძარღვებს, რაც ზრდის არტერიულ წნევას.
შეინარჩუნეთ ჰიდრატაცია
ეს დაგეხმარებათ არტერიული წნევის სტაბილურად შენარჩუნებაში. დეჰიდრატაციისას ნატრიუმის დონე იზრდება და ორგანიზმი გამოყოფს ჰორმონს, რომელსაც ეწოდება ვაზოპრესინი. ვაზოპრესინი იწვევს სისხლძარღვების შეკუმშვას, რამაც შეიძლება გამოიწვიოს არტერიული წნევის მომატება.
ყურადღება მიაქციეთ კვებას
- მიირთვით ბევრი ხილი, ბოსტნეული და მთლიანი მარცვლეული;
- შეზღუდეთ შაქრით ტკბილი სასმელები და დესერტები;
- შეზღუდეთ ნაჯერი ცხიმებით მდიდარი საკვები;
- შეეცადეთ მიიღოთ უცხიმო რძის პროდუქტები;
- მიირთვით თევზი, ლობიო, თხილეული და ჯანსაღი მცენარეული ზეთები.
მიირთვით ხილი დესერტად
თუ ჭამის შემდეგ რაიმე ტკბილი გინდებათ, მიირთვით ხილის დესერტი. ზოგიერთი საუკეთესო ხილი არტერიული წნევის დასარეგულირებლად მოიცავს:
კენკრას - მარწყვი და მოცვი სავსეა ანტოციანინებით - ანტიოქსიდანტური ნაერთებით, რომლებიც ამცირებენ არტერიულ წნევას ჰიპერტენზიის მქონე ადამიანებში.
ბანანს - ბანანი სავსეა კალიუმით, რომელიც ხელს უწყობს არტერიული წნევის შემცირებას
კივს - კივი შეიცავს ანტიოქსიდანტს, რომელსაც ეწოდება ლუტეინი, რომელიც ხელს უწყობს არტერიული წნევის შემცირებას
ნუ მიიღებთ ალკოჰოლს ვახშამთან ერთად და ძილის წინ
ალკოჰოლმა, განსაკუთრებით ძილის წინ, შეიძლება გაზარდოს წნევა. ალკოჰოლის ხანგრძლივმა, გადაჭარბებულმა მიღებამ ასევე შეიძლება დააზიანოს თქვენი გულის კუნთის უჯრედები და გამოიწვიოს გულის უკმარისობა.
მოკლევადიან პერსპექტივაში, ალკოჰოლის დალევამ ძილის წინ ოთხი საათის განმავლობაში შეიძლება დაარღვიოს ძილის, ანუ გამოიწვიოს მოუსვენარი ძილი, ღამის სიფხიზლე და ზოგადად ძილის ცუდი ხარისხი. ძილის თანმიმდევრული გრაფიკის დაცვა აუცილებელია ჯანსაღი არტერიული წნევისთვის.
შექმენით ღამის რელაქსაციის რუტინა
სტრესი ზიანს აყენებს ორგანიზმს. მას შეუძლია არტერიული წნევის მატებაც კი და დროთა განმავლობაში ქრონიკულმა სტრესმა შეიძლება გამოიწვიოს ანთება ორგანიზმში, რაც ხელს უწყობს გულის დაავადებებსა და ჯანმრთელობის სხვა პრობლემებს.ხანგრძლივი დღის შემდეგ სტრესისა და არტერიული წნევის შესამცირებლად ერთ-ერთი გზა არის ღამის დასვენების რეჟიმი.
- სცადეთ კუნთების რელაქსაცია;
- მოერიდეთ სტრესს ძილის წინ;
- მიიღეთ თბილი აბაზანა ძილის წინ მხოლოდ 15 წუთით ადრე დაგეხმარებათ სისხლძარღვების გაფართოებასა და არტერიული წნევის დაწევაში.