პასუხები პრეპარატ ბიფლაზიმთან დაკავშირებულ კითხვებზე - მკურნალი.გე

— ბიფლაზიმი სხეულში მიმდინარე ანთებითი პროცესების, ამით გამოწვეული ტკივილისა და შეშუპების უებარი წამალია. იგი III ჯგუფის ფარმაცევტული პროდუქტია, რომელიც რეცეპტის გარეშე გაიცემა.ბიფლაზიმის ერთ კოლოფში წამლის 2 ფირფიტაა, თითოეულში კი 10 აბია.

როგორ მიიღება? — ბიფლაზიმი ორალური გზით მიიღება. გარსის მქონე ეს აბები ორგანიზმში პირის ღრუდან უნდა მოხვდეს, ჭიქა წყლის დახმარებით. მისი დაღეჭვა საჭირო არაა, არამედ პირდაპირ იყლაპება. როგორც წესი, ექიმები პაციენტებს დღეში სამჯერ 1-2 აბს უნიშნავენ, მაგრამ საჭიროების მიხედვით შესაძლებელია, სპეციალისტმა დოზები შეცვალოს. თვითნებური მკურნალობა რეკომენდებული არაა.

რისგან შედგება? — ბიფლაზიმში ორი მთავარი აქტიური კომპონენტი გვხვდება: ქიმოტრიფსინი და ტრიფსინი. დამხმარე ნივთიერებებია: აეროსილი, დექსტრატი, მაგნიუმის სტეარატი, პრეჟელატინიზირებული სახამებელი, სტეარინის მჟავა, აცეტონი, ცელაცეფატი, დიეთილფტალატი და სეპისპერსი ცისფერი K1009.

როდის გამოიყენება? — ეს პრეპარატი ნებისმიერი მიზეზით გამოწვეულ ანთებას, მის თანმდევ ტკივილსა და შეშუპებას ებრძვის, ამიტომ სხვადასხვა სამედიცინო პრობლემისას გამოიყენება. მათ შორის:

• ტრავმის მიღების, ოპერაციის შემდგომი შეშუპების ან ჰემატომების, დაჭიმულობისა და მოტეხილობისას;
• ფარინგიტის, ლარინგიტის, სინუსიტის, ოტიტისა და ევსტაქიიტის დროს;
• თვალის დაზიანების ან თვალის მიმდებარედ გამოვლენილი სისხლჩაქცევისას;
• ბრონქებსა და ფილტვებში მიმდინარე ანთებისას;
• კბილის ამოღების, პერიონდიტის, ღრძილის ანთების ან ყბა-სახის ქირურგიული ოპერაციისას;
• მასტიტის, პერინეალური შეშუპებისა და მცირე მენჯის ღრუში მდებარე ორგანოების ანთებისას.

როგორ მოქმედებს? — ბიფლაზიმი ანთებით პროცესებსა და შეშუპებას ქიმოტრიფსინისა და ტრიფსინის მეშვეობით ეწინააღმდეგება, რომლებიც საჭმლის მომნელებელი სისტემის ფერმენტებია. ისინი რამდენიმე სახის პრობლემას ებრძვის:

• ორგანიზმის შემადგენელ ქსოვილებსა და ღრუ ადგილებში ანთებითი პროცესებისთვის დამახასიათებელი სითხის, ექსუდატის, დაგროვებისას ეს კომპონენტები ერთობლივად მოქმედებს. ამის წყალობით, პრობლემურ კერაში ცირკულაცია უმჯობესდება და ექსუდატი განიდევნება;
• ქიმოტრიფსინისა და ტრიფსინის სინერგიული მოქმედებით ანთებით პროცესებთან ასოცირებული პეპტიდური კავშირები იშლება;
• ბიფლაზიმი ცილებსა და პეპტიდებს ხლეჩს, რასაც პროტეოლოზი ეწოდება;
• აქტიური კომპონენტები სხეულიდან ანთების გამო დაზიანებულ ან მკვდარ უჯრედებსაც აშორებს, რითაც შეხორცების პროცესი უმჯობესდება.

სად შეიწოვება? — ბიფლაზიმის ტაბლეტები გასტრორეზისტენტულია. ისინი სხეულში მოხვედრის შემდეგ ნაწლავში იხსნება და მხოლოდ იქ შეიწოვება. შედეგად, მასში არსებული აქტიური კომპონენტები ანთების კერას აცხრობს.

როგორი უკუჩვენებები აქვს? — ბიფლაზიმს სერიოზული უკუჩვენებები არ ახასიათებს. შესაძლებელია, ზოგიერთ პაციენტს ამ პრეპარატში შემავალი ქიმოტრიფსინისა და ტრიფსინის მიმართ განსაკუთრებული მგრძნობელობა გამოუვლინდეს. ასევე, იშვიათად: ალერგიული რეაქცია, მუცლის ტკივილი, დიარეა და შებერილობა.

თუკი ადამიანს მკურნალობის დროს ინფექციაც აქვს, ბიფლაზიმთან ერთად ანტიბიოტიკის მიღებაა რეკომენდებული. ეს მედიკამენტი ანთების კერაში ანტიბიოტიკების გახსნას აუმჯობესებს, ყველაზე კარგი შედეგები კი ყელ-ყურ ცხვირის მიმდებარედ, ფილტვებში, ბრონქებსა და პირის ღრუში შეინიშნება.

R