რა გართულებებს იწვევს სიბრძნის კბილი და რატომ არ უნდა გადავდოთ მისი ამოღება? - მკურნალი.გე

სავარაუდოდ, ტერმინის დამკვიდრება მისი ამოჭრის პერიოდს, ზრდასრულ ასაკს უკავშირდება.

სიბრძნის კბილი შეიძლება გახდეს კბილების წყობის დარღვევის, ინფექციებისა და დაავადებების გამომწვევი მიზეზი, რაც მნიშვნელოვნად აისახება ადამიანის ცხოვრების ხარისხზე. რადგანაც თანამედროვე ადამიანის ყბა უფრო პატარაა, სიბრძნის კბილისთვის საკმარისი ადგილი აღარ რჩება, შესაბამისად, ვერ არის ის ფუნქციური და ბაქტერიებისა და ინფექციების წყაროც იქცევა.

უფრო მეტი დეტალისთვის, რა გართულებების წინაშე შეიძლება აღმოვჩნდეთ, თუ სიბრძნის კბილი ამოგვდის და რატომ არის მისი დაუყოვნებლივ ამოღება აუცილებელი, რიხტერის კლინიკას დავუკავშირდით. კლინიკის სტომატოლოგების განმარტებით, სიბრძნის კბილი შემდეგ გართულებებს იწვევს:

• რეტენციული სიბრძნის კბილი ვერ ამოდის ბოლომდე ან ყბაში არასწორი პოზიცია უჭირავს. შედეგად, კბილი შეიძლება სხვა კბილს ან ქსოვილს დააწვეს და მისი დაზიანება და ტკივილი გამოიწვიოს.

იმისათვის, რომ ქრონიკული ტკივილი და ინფექციები ავიცილოთ თავიდან, რეკომენდებულია, რეტენციული კბილები დაუყოვნებლივ ამოვიღოთ.

• ინფექცია და ანთება - სიბრძნის კბილებს ხშირად უჭირს სრულად ამოსვლა. ასეთ შემთხვევებში, კბილის გარშემო დაგროვილი საკვები და ბაქტერიები ინფექციას და ანთებას იწვევს.

თუ სიბრძნის კბილი ნაწილობრივ ამოსულია, მას შეიძლება ეფარებოდეს ღრძილი, რომლის ქვეშ ადვილად გროვდება საკვების ნარჩენები და მრავლდება ბაქტერიები. შედეგად,კბილის ირგვლივ ვითარდება რბილი ქსოვილის ანთება, რაც გამოიხატება შეშუპებაში, ტკივილში, პირის შეზღუდულ მოძრაობაში. ასეთ შემთხვევაში, მკურნალობის მეთოდებს მხოლოდ ექიმი ნიშნავს. დამატებითი გართულებების თავიდან ასაცილებლად თვითმკურნალობა დაუშვებელია.

ფოტო „რიხტერის კლინიკიდან“

• კბილის დაშლა - რადგან სიბრძნის კბილები ხშირად წმენდისთვის ძნელად მისაწვდომია, მათზე უფრო ადვილად გროვდება ნადები და ბაქტერიები, რაც კარიესის განვითარებას და შესაბამისად, კბილის დაშლას იწვევს.

რაც შეეხება მკურნალობის მეთოდებს, თუ კარიესი ზომიერია, კბილს აქვს სწორი დგომა, აქტიურად მონაწილეობს ღეჭვაში, მაშინ მისი დაბჟენა შესაძლებელია. იმ შემთხვევაში, თუ კარიესი ღრმად არის წასული, კბილის ფესვებს არასწორი დგომა აქვს ან ანთებით პროცესზე ზემოქმედება არ იქნება წარმატებული, მისი თავისებურებებიდან გამომდინარე, ამოღება საუკეთესო გამოსავალია.

• შეზღუდული სივრცე და კბილების გადაწევა - სიბრძნის კბილების ამოსვლა შეიძლება სხვა კბილებზეც ზემოქმედებდეს, მათი გადაწევა ან დეფორმაცია გამოიწვიოს, რაც ზოგჯერ ყბის ტკივილსაც იწვევს.

თუ კბილების გადაწევა მინიმალურია, შეიძლება სტომატოლოგი დააკვირდეს დინამიკას და იმ შემთხვევაში, თუ უარესობისკენ არ მიდის, მაშინ შეიძლება, სტომატოლოგმა სიბრძნის კბილის დატოვების გადაწყვეტილება მიიღოს.

ფოტო „რიხტერის კლინიკიდან“

რიხტერის კლინიკაში განმარტავენ, რომ ხშირ შემთხვევაში, სიბრძნის კბილი CT კვლევის დროს ვლინდება და პაციენტმა მის შესახებ არაფერი იცის. ამრიგად, სიბრძნის კბილი შეიძლება, „უვნებელიც“ იყოს იმ შემთხვევაში, თუ სწორად ამოდის, ყბაში აქვს საკმარისი ადგილი, არ არღვევს კბილების წყობას, არ იწვევს ტკივილს, ინფექციასა და სხვა პრობლემებს. მიუხედავად ამისა, სტომატოლოგები ხშირად რეკომენდაციას უწევენ პრევენციულ ამოღებას, სამომავლო გართულებების თავიდან აცილების მიზნით.

სიბრძნის კბილის ამოღების თანამედროვე მეთოდი

სიბრძნის კბილის ამოღება ადრე რთულ და მტკივნეულ პროცედურად ითვლებოდა, მაგრამ თანამედროვე სტომატოლოგიური ტექნოლოგიებისა და ანესთეზიის მეთოდების წყალობით, დღეს ეს პროცედურა გაცილებით მარტივი, სწრაფი და უმტკივნეულოა.

რიხტერის კლინიკა ყველა თანამედროვე საშუალებითაა აღჭურვილი, მათ შორის, საერთაშორისოდ აღიარებული მოწყობილობა Piezotome® Cube-ით,ატრავმული ექსტრაქციისთვის გამოიყენება დაგამოცდილი სპეციალისტის, ნიკა ბაძაღუას ხელში საშუალებას გვაძლევს,ძველი შეხედულება, სიბრძნის კბილების ამოღების შესახებ, საერთოდგავაქარწყლოთ“, - განმარტეს კლინიკაში.

კლინიკაში იყენებენ სიბრძნის კბილის ამოღების ისეთ თანამედროვე მიდგომებს, როგორიცაა:

• ადგილობრივი ანესთეზია, რომელიც სრულად აყუჩებს ამოსაღები კბილის მიდამოებს. პაციენტმა შეიძლება მხოლოდ მცირე წნევა ან ზეწოლა იგრძნოს. როგორც სტომატოლოგები განმარტავენ, სირთულიდან და პაციენტის მდგომარეობიდან გამომდინარე შესაძლებელია გაკეთდეს სედაცია (ნერვიულობის შესამცირებლად) ან ზოგადი ანესთეზიაც (ძირითადად იმ შემთხვევაში, თუ რამდენიმე სიბრძნის კბილი ერთდროულად არის ამოსაღები).
• მინიმალური ინვაზიური მიდგომები - თანამედროვე ქირურგიული ტექნიკით, როგორიცაა მცირე ზომის ჭრილების გაკეთება და ლაზერის ან სხვა მექანიკური საშუალებების გამოყენება, სიბრძნის კბილის ამოღება ნაკლებად ტრავმული ხდება. ეს ამცირებს ტკივილს და ანთების რისკს, რაც პროცედურას უსაფრთხოსა და კომფორტულს ხდის.

პოსტოპერაციულ პერიოდში ტკივილი იმართება ანალგეტიკების მეშვეობით.შეშუპებისა და დისკომფორტის შესამცირებლად კი პირველ დღეებში რეკომენდებულია ცივი კომპრესების გამოყენება.

უმეტეს პაციენტებში ტკივილი და შეშუპება რამდენიმე დღეში ქრება, ხოლო სრული შეხორცების პროცესი რამდენიმე კვირას მოიცავს. სიბრძნის კბილის ამოღების შემდგომი ჭრილობის სწორად მოვლა გადამწყვეტია გართულებების თავიდან ასაცილებლად და სწრაფი აღდგენის უზრუნველსაყოფად. სტომატოლოგები განმარტავენ, რომ ყველა რჩევა და რეკომენდაცია ინდივიდუალურია.

ფოტო „რიხტერის კლინიკიდან“

რიხტერის კლინიკაში თითოეული პაციენტის მიმართ ყურადღებით ვართ განწყობილი და გართულების შემთხვევაში დაუყოვნებლივ ვეხმარებით. მათ იციან, რომ ჩვენი ურთიერთობა არ მთავრდება კბილის ექსტრაქციის დღეს, არამედ ერთად მივდივართ სრულ გამოჯანმრთელებამდე. პაციენტები სიამოვნებით ავრცელებენ რიხტერის კლინიკაში მიღებულ სტომატოლოგიურ გამოცდილებას.ამის დასტურია ისეთი პაციენტების რიცხვის ზრდა, რომელთაც სიბრძნის კბილის ამოღება სჭირდებათ და გარკვეული შეზღუდვების გამო თავს იკავებდნენ“, - აღნიშნავენ კლინიკაში.

კლინიკას შეგიძლიათ ეწვიოთ მისამართზე: ქ.თბილისი, ბელიაშვილის 68ა, ტელ: +511 11 11 42.

R