ლალი ჩხიკვაძე

• ავსტრალიის ჩარლზ სტურტის უნივერსიტეტის მიერ ჩატარებული კვლევის მიხედვით, თუ ახალგაზრდა ქალი დიდ დროს ატარებს სოციალურ მედიაში, ამან შეიძლება შეარყიოს მისი თვითშეფასება და გაზარდოს კვების დარღვევების რისკი. „TikTok-ის კონტენტის 10 წუთამდე ზემოქმედება, რომელიც აშკარად და ან ფარულად ახდენდა ანორექსიის პოპულარობას, მოჰყვა მყისიერ ნეგატიური ეფექტი“, - ნათქვამია კვლევაში, რომელიც გამოქვეყნდა ჟურნალში PLOS ONE.

მეცნიერები თვლიან, რომ პლატფორმის მდედრობითი სქესის მომხმარებლები შეიძლება ფსიქოლოგიურად დაზიანდნენ, მაშინაც კი, თუ ისინი არ ეძებენ ანორექსიის პროპაგანდას და თუ TikTok-ის გამოყენება ხანმოკლეა. მკვლევარებმა ჩაატარეს გამოკითხვა ავსტრალიის უნივერსიტეტის პირველკურსელ სტუდენტებს შორის - მონაწილეობის უფლება მიეცა 18-დან 28 წლამდე ასაკის 273 გოგონას, მათ, ვინც სწორად შეავსეს კითხვარი.

შემდეგ, მონაწილეთა ნახევარმა 7-8 წუთი გაატარა წონის დაკლებისა და დიეტის შესახებ „არაჯანსაღი“ კონტენტის ყურებაში, რომლის ავტორები შიმშილობდნენ, აძლევდნენ წონის დაკლების რჩევებს ან რეკლამირებდნენ ვარჯიშებს, თან ამავდროულად ახდენდნენ საკუთარი წვრილი წელის დემონსტრირებას. საკონტროლო ჯგუფს სთხოვეს უყურონ ვიდეოებს ბუნების, სამზარეულოს და კომიკური ჩანახატების შესახებ. გაირკვა, რომ გოგონები, რომლებიც ექვემდებარებოდნენ სიგამხდრეზე არსებული მასალების ზემოქმედებას, უარესად განეწყვნენ საკუთარი სხეულის მიმართ და აზვიადებდნენ სიგამხდრის მნიშვნელობას.