ბრიტანელი ქალის ცხვირში აღმოჩენილი წურბელა მას ერთი თვის განმავლობაში სისხლს სწოვდა
დანიელ ლივერანმა დიდი ბრიტანეთიდან The Guardian-თან ინტერვიუში ისაუბრა იმაზე, თუ როგორ იცხოვრა ერთი თვის განმავლობაში ცხვირში წურბელით. შემთხვევა 2014 წელს მოხდა, როდესაც გოგონა 24 წლის იყო.
ლივერანი ვიეტნამში მოგზაურობისას ავარიაში მოყვა. მას ჩაფხუტი ეხურა და სერიოზულად არ დაშავებულა. მალე მას ცხვირიდან სისხლდენა დაეწყო. ლივერანი უგუნებობას ავარიის შედეგებს უკავშირებს. გოგონამ ამჯობინა არ შეემჩნია ცხვირის გაჭედილობა.
ცხვირიდან სისხლდენა პრობლემად იქცა დიდ ბრიტანეთში დაბრუნების შემდეგ. გლაზგოში მან ექიმს მიმართა. ექიმმა ჩათვალა, რომ სერიოზული არაფერი იყო და მირჩია, ცხვირის ვაზელინით შეზეთვა.
მალე გოგონა ედინბურგში გადავიდა და სასტუმროს ადმინისტრატორად დაიწყო მუშაობა. იგი თავისი მორიგეობის უმეტეს ნაწილს ცხვირსახოცით ატარებდა.
ტკივილები არ ჰქონდა, მაგრამ უჭირდა დაძინება. გაჭედილობის გამო იძულებული იყო ცხვირი მოეხოცა, რაც სისხლდენას იწვევდა.
ერთ დღეს შხაპის მიღებისას ლივერანმა ცხვირში რაღაც ლორწოსმაგვარის მოძრაობა იგრძნო. ეს გრძნობა მეორე დღესაც განმეორდა. შემდეგ კი გოგონამ შეამჩნია, რომ ნესტოდან რაღაც ჩანდა. სარკეში მან დაინახა ჭია. იმ დროისთვის წურბელა ცხვირში დაახლოებით ერთი თვის წინ იყო მოხვედრილი.
კბენისას ასეთი ჭიები გამოყოფენ საანესთეზიო საშუალებას, ამიტომ ლივერანს არ უგრძვნია ტკივილი. ექიმები 30 წუთის განმავლობაში იღებდნენ ცხვირიდან წურბელას, რასაც პაციენტმა "აგონია" უწოდა.