რა არის წელის ტკივილის წინააღმდეგ ბრძოლის მარტივი საშუალება - კვლევის შედეგი
ავსტრალიის მაკქუარის უნივერსიტეტის მეცნიერებმა აღმოაჩინეს მარტივი გზა წელის განმეორებადი ტკივილის წინააღმდეგ საბრძოლველად. The Lancet-ში გამოქვეყნებული კვლევის მიხედვით, ამისათვის საჭიროა რეგულარული სიარული.
მსოფლიოში დაახლოებით 800 მილიონი ადამიანი იტანჯება წელის ტკივილით, რაც ინვალიდობის და ცხოვრების ხარისხის დაქვეითების წამყვანი მიზეზია.
წელის ტკივილის განმეორებითი ეპიზოდები ძალიან ხშირია - 10-დან შვიდი ადამიანი, რომელიც გამოჯანმრთელდება მორიგი გამწვავების შემდეგ, განიცდის რეციდივს ერთი წლის განმავლობაში.
- კვლევაში მონაწილეობდა 701 ზრდასრული, რომლებსაც ჰქონდათ წელის ტკივილის ეპიზოდი. მონაწილეები შემთხვევითობის პრინციპით გადანაწილდნენ პერსონალიზებულ სიარულის პროგრამაში, ან საკონტროლო ჯგუფი.
მოხალისეებს აკვირდებოდნენ ერთიდან სამ წლამდე, იმის მიხედვით, თუ როდის დაიწყეს ექსპერიმენტში მონაწილეობა.
შედეგებმა აჩვენა, რომ ინტერვენციულ ჯგუფს ჰქონდა აქტივობის შემზღუდველი ტკივილის ნაკლები ინციდენტი საკონტროლო ჯგუფთან შედარებით, ასევე რეციდივის უფრო ხანგრძლივი დრო - 208 დღე 112 დღესთან შედარებით.
ითვლება, რომ სიარულის სასარგებლო ეფექტი არის ფიზიკური აქტივობისა და ნაზი რხევითი მოძრაობების კომბინაცია, ხერხემლის სტრუქტურებისა და კუნთების გაძლიერება, რელაქსაცია და სტრესის შემსუბუქება და ენდორფინების გამოყოფა.