მუსიკის შესწავლა ტვინს ცვლის
შეადარეს 103 პროფესიონალი მუსიკოსისა და 50 ადამიანის, რომლებსაც მუსიკა არასოდეს უსწავლიათ, ტვინის სტრუქტურა და თავისებურებები. მუსიკოსთა დაახლოებით ნახევარს აბსოლუტური სმენა ჰქონდა, დანარჩენს კი არა.
აღმოჩნდა, რომ არამუსიკოსებთან შედარებით, მუსიკოსებს გაცილებით ძლიერი ფუნქციური
კავშირები აქვთ ტვინის ნახევარსფეროებს შორის, განსაკუთრებით ხმოვანი ინფორმაციის აღქმაზე პასუხისმგებელ რეგიონებს შორის – ტვინის ეს ნაწილები სინქრონულად აქტიურდება.
გარდა ამისა, მუსიკოსების ტვინს აქვს მნიშვნელოვანი სტრუქტურული მახასიათებლები, რომლებიც განასხვავებს მათ ჩვეულებრივი ადამიანების ტვინისაგან.
ამრიგად, მუსიკოსების უმაღლესი ნერვული აქტივობის ფუნქციებზე პასუხისმგებელი „სმენის“ რეგიონები და წილები ერთმანეთთან დაკავშირებულია ტვინის თეთრი ნივთიერების ნერვული ბოჭკოების ბევრად უფრო ძლიერი და განშტოებული ქსელით. უფრო მეტიც, რაც უფრო ადრე აქვს დაწყებული მუსიკოსს მუსიკის შესწავლა, მით უფრო განსხვავდება მისი ტვინი არამუსიკოსის ტვინისაგან.
ამავდროულად, მკვლევართა გასაკვირად, ტვინის სტრუქტურასა და ფუნქციურ ორგანიზაციაში მნიშვნელოვანი განსხვავება ვერ აღმოაჩინეს აბსოლუტური სმენის მქონე მუსიკოსებსა და აბსოლუტური სმენის არმქონე მუსიკოსებს შორის.