ასობით ადამიანი დგას მოსკოვის საავადმყოფოებთან სისხლის ჩასაბარებლად
- ამის შესახებ ინფორმაციას რუსეთის საგამოძიებო კომიტეტი ავრცელებს.
„ამ დროისთვის დადასტურებულია, რომ 93 ადამიანი დაიღუპა. დაღუპულთა რიცხვი სავარაუდოდ გაიზრდება“, - ნათქვამია რუსეთის საგამოძიებო კომიტეტის განცხადებაში.
კრემლი აცხადებს, რომ 11 ადამიანია დაკავებული, მათ შორის 4 „კროკუს სითი ჰოლზე“ განხორციელებულ თავდასხმაში მონაწილეობდა.
ასობით ადამიანი დგას ქალაქის საავადმყოფოებთან, რათა სისხლი გასცეს Crocus City Hall-ზე ტერაქტის შედეგად დაშავებულთათვის.
მოსკოვის რეგიონის ჯანდაცვის სამინისტროს მიერ გამოქვეყნებულია დაშავებულთა სია, რომელშიც 140-ზე მეტი ადამიანია, მათ შორის ათობით მძიმე/კრიტიკულ მდგომარეობაშია.