საკვები, რომელიც გვიცავს მსხვილი ნაწლავის კიბოსგან
მეცნიერები ცდილობდნენ გაერკვნენ, თუ როგორ მოქმედებს ყოველდღიურად მოხმარებული ფოლიუმის მჟავის (ვიტამინი B9) რაოდენობა ნაწლავის კიბოს (კოლორექტალური კიბო) განვითარების ალბათობაზე.
წინა კვლევებმა აჩვენა, რომ ყოველი 260 მიკროგრამი ფოლიუმის მჟავა ამცირებს ამ ტიპის კიბოს განვითარების რისკს 7%-ით. ეს რაოდენობა შეესაბამება ამ ვიტამინის რეკომენდებული დღიური მოხმარების 65%-ს (400 მიკროგრამი).
აღმოჩნდა, რომ ფოლიუმის მჟავას უნარი შეამციროს მსხვილი ნაწლავის კიბოს განვითარების რისკი დაკავშირებულია ადამიანის გენომის გარკვეულ რეგიონში, კერძოდ მესამე ქრომოსომის 3p25.2 რეგიონში ცვლილებებთან. ეს ტრანსფორმაცია იწვევს გარკვეულ მექანიზმებს, რომლებიც თრგუნავენ კოლორექტალურ კიბოს. თუმცა, ზუსტი გენები და მათი გავლენა ჯერ კიდევ საჭიროებს შემდგომ შესწავლას.
მეცნიერებმა აღნიშნეს, რომ ვიტამინ B9-თი მდიდარია ისეთი საკვები, როგორიცაა:
- ისპანახი,
- კომბოსტო,
- ბროკოლი,
- მზესუმზირა,
- მარცვლეული,
- პარკოსნები,
- ხილი, განსაკუთრებით ციტრუსები.
ფოლიუმის მჟავა ასევე ხელმისაწვდომია როგორც დიეტური დანამატი. მკვლევარებმა ასევე ხაზი გაუსვეს ჯანსაღი კვების რაციონის აუცილებლობას ზოგადი ჯანმრთელობის სტაბილურობის შესანარჩუნებლად.