„ნიუ ჰოსპიტალსი“ და „საქართველოს ოფთალმოლოგიის განვითარების გაერთიანება“ საერთაშორისო კონფერენციას გამართავენ - მკურნალი.გე

ღონისძიება „შერატონ მეტეხი პალასში“ 10:00 საათზე გაიხსნება და არაერთ აქტუალურ მოხსენებას უმასპინძლებს.

კონფერენციის ფარგლებში ქართველი და უცხოელი ოფთალმოლოგები ისაუბრებენ დარგში არსებულ გამოწვევებსა და მკურნალობის თანამედროვე მიდგომებზე. ღონისძიებას გახსნან „ოფთალმოლოგიის ეროვნული ცენტრის“ ოფთალმოლოგი, პროფესორი ივა ბერაძე და „ოფთალმოლოგიის ეროვნული ცენტრის“ ოფთალმოლოგი, „საქართველოს ოფთალმოლოგიის განვითარების გაერთიანების“ პრეზიდენტი, პროფესორი ოლეგ გოლოვაჩოვი. მოხსენებებით წარდგებიან „ოფთალმოლოგიის ეროვნული ცენტრის“, „კლინიკა ოფთალმიჯის" და „ავერსის კლინიკის“ წამყვანი სპეციალისტები. ასევე, მონაწილეობას მიიღებენ „მორფილდის თვალის კლინიკის“ პროფესორი კით ბარტონი, „ლიუბლიანას საუნივერსიტეტო კლინიკის“ პროფესორი მარკო ჰაულინა, „ტეხასის უნივერსიტეტის“ ოფთალმოლოგი რიჩარდ ალენი, „როჩესტერის უნივერსიტეტის“ ოფთალმოლოგი მილინდ ნაიქი და უცხოეთიდან მოწვეული სხვა სპეციალისტები.

მე-3 სამეცნიერო-პრაქტიკული საერთაშორისო კონფერენცია საქართველოში მიკროქირურგიის მეთოდების ფუძემდებლის, პროფესორ ჯიმშერ ანთელავას დაბადებიდან 95 წლისთავს მიეძღვნება. „საქართველოს ოფთალმოლოგიის განვითარების გაერთიანების“ მიერ გამართული კონფერენცია ტრადიციულად საინტერესო სამეცნიერო შეკრებებით გამოირჩევა, აერთიანებს წამყვანი ოფთალმოლოგების მოხსენებებს და წარმოადგენს ცოდნის გაზიარების უნიკალურ პლატფორმას.

R