29 წლის ჰოკეისტის საბედისწერო ტრავმა და მსგავსი შემთხვევები ჰოკეის ისტორიაში
დიდი ბრიტანეთის ჰოკეის უმაღლესი ლიგის მატჩის დროს „უბედური შემთხვევის“ შედეგად გარდაიცვალა - ამის შესახებ მისი კლუბი იტყობინება.
შეხვედრა „შეფილდ სტილერსთან“ მეორე პერიოდში მას შემდეგ შეწყდა, რაც ჯონსონმა ყინულზე მოწინააღმდეგე გუნდის წარმომადგენელთან შეჯახებისას ციგურის ბასრი პირით ყელის არეში ღრმა დაზიანება მიიღო.
„ნოტინჰემ პანთერსი“ დაცარიელდა 29 წლის ადამსის გარდაცვალების შემდეგ, კლუბის თითოეული წევრი ღრმა მწუხარებას განვიცდით, ადამი ძალიან დაგვაკლდება და არასოდეს დავივიწყებთ მას“ - წერია კლუბის განცხადებაში. „პანთერებს“ ჯონსონი წელს შეუერთდა ჰოკეის ელიტურ ლიგაში სათამაშოდ.
ჰოკეის ისტორიაში ყელის არეში მძიმე ტრავმები იშვიათია, მაგრამ რამდენიმე შემთხვევის გახსენება შეიძლება:
1989 წელს ჰოკეის ეროვნული ლიგის თამაშის დროს კლინტ მალარჩუკს ციგურის ბასრი პირით ყელი გადაეჭრა და დაუზიანდა საუღლე ვენა - ერთ-ერთი ძირითადი სისხლძარღვი, რომელიც თავის ტვინიდან გულმკერდისკენ მიემართება. მალარჩუკი გადარჩა, მაგრამ ტრავმის შემდგომი სტერუსლი მოშლილობა განუვითარდა.
2008 წელს "ფლორიდის პანთერების" თავდამსხმელი რიჩარდ ზედნიკი ასევე ყელის არეში დაზიანდა თანაგუნდელის ციგურით და საძილე არტერია გადაეჭრა, რის გამოც გადაუდებელი ოპერაცია ჩაუტარდა. მან იმ წლის სპორტული სეზონი გამოტოვა, თუმცა მომდევნო წელს დაუბრუნდა გუნდს.
რაც შეეხება ადამს, ტრავმის შემდეგ, ისიც დაუყოვნებლივ გადაიყვანეს ახლოს მდებარე ჰოსპიტალში, მაგრამ გადარჩენა ვერ შეძლეს. კონკრეტულად რა დაზიანება ჰქონდა ჰოკეისტს, ამის შესახებ ინფორმაცია არ გასაჯაროებულა, თუმცა ვიდოეკადრებიდან ჩანს, რომ ჯონსონს ღრმა ჭრილობა ჰქონდა ყელის არეში და ინტენსიური სისხლდენა მოედანზევე განუვითარდა.
ჰოკეის ელიტური ლიგა ასევე აქვეყნებს განცხადებას ტრაგიკულ შემთხვევასთან დაკავშირებით, ღრმა მწუხარებას გამოთქვამს და უსამძიმრებს ადამის მეგობრებსა და ოჯახს. ნახეთ ვიდეო:
This is a modal window.
