85 წლის იაპონელმა ქალმა კიბო დაამარცხა და ხანგრძლივი, ბედნიერი ცხოვრების საიდუმლოს გვიზიარებს
ეს ნიშნავს სიამოვნებას და ცხოვრების აზრს - უბრალოდ, ერთი სიტყვით - ეს არის ის, რაც გაიძულებს დილით საწოლიდან ადგომას.
იაპონელმა დიეტოლოგმა მიჩიკო ტამიოკამ 85 წლის დედის „იკიგაი“ გააზიარა, რომელმაც ცოტა ხნის წინ დაამარცხა კიბო. სწორედ ეს წესები აძლევს საშუალებას, ხანდაზმულ ქალს თავი ყოველდღე უფრო ბედნიერად და ჯანმრთელად იგრძნოს.
მიირთვით საკვები, რომელიც ამცირებს ანთებას
- დედაჩემმა უარი თქვა ულტრა დამუშავებულ საკვებზე, თითქმის არ ჭამს ხორცს, ცხიმიან და შემწვარ საკვებს, ტკბილეულს და არ სვამს ალკოჰოლს. ის დღემდე იცავს ამ დიეტას შეგნებულად“, - ამბობს მიჩიკო ტამიოკა. - მის დიეტაში არის საკვები, რომელიც ძალიან ჯანსაღია და ორგანიზმში ანთებით პროცესებს ეწინააღმდეგება. აქ არის: კენკრა, დარიჩინი, ზღვის მცენარეები, ჯანჯაფილი, მწვანე ჩაი, ზღვის პროდუქტები მაღალი ომეგა -3-ით, როგორიცაა ორაგული და სკუმბრია, ფერმენტირებული საკვები.
იპოვნეთ სიცილის მიზეზი
„დედაჩემი ყოველთვის ამბობს: „ჩივილები მხოლოდ მეტ ჩივილს იწვევს, მადლიერება და სიცილი კი ხალხს ახარებს“, - განაგრძობს მიჩიკო ტამიოკა. - დედა ინტერნეტში ხშირად უყურებს კომედიურ შოუებს და უბრალოდ სასაცილო ვიდეოებს. ვიცი, რომ ასევე არსებობს კვლევები სიცილის თერაპიის უპირატესობებზე. ის აუმჯობესებს იმუნიტეტს და ფსიქიკურ ჯანმრთელობას.
თავისუფლად ითხოვეთ დახმარება
„ჯანმრთელობისა და კარგი განწყობის შესანარჩუნებლად მნიშვნელოვანია იცოდეთ, რომ ახლოს არიან ადამიანები, რომლებიც ყოველთვის მზად არიან დასახმარებლად“, - ამბობს იაპონელი ქალი. - უარს ნუ იტყვით შემოთავაზებულ დახმარებებზე და კეთილ ადამიანებთან მცირე ურთიერთობაზეც კი. მათ შეუძლიათ შექმნან ძლიერი კავშირის საფუძველი.
დაგეგმეთ - და ჩართეთ საყვარელი ადამიანები გეგმებში
”იყურე სულ წინ, იფიქრე იმაზე, რა კარგი იქნება მალე, დაგეგმე თუნდაც პატარა საქმეები და მოგზაურობები და აუცილებლად გააკეთე ეს შენს ოჯახთან და მეგობრებთან ერთად”, - აზიარებს მიჩიკო დედის რჩევას. - ეს შეიძლება იყოს ნებისმიერი რამ, დაწყებული სასურსათო მაღაზიაში სიარულით დამთავრებული მეგობრებთან და ოჯახთან ერთად კონცერტზე დასწრებამდე. როცა რაღაცას მოუთმენლად ელი - თუნდაც შვილიშვილის ვიზიტს ან პატარა ზეიმს - შენ გაქვს იკიგაი, მიზანი, რომელიც გახარებს და მოტივირებული ხარ.
შეუერთდით კიდევ რაღაც უფრო მასშტაბურს
იაპონელი ქალი ირწმუნება, რომ ძალიან მნიშვნელოვანია იყო უფრო დიდი საზოგადოების ნაწილი და არ გაატარო დრო მხოლოდ შენს პატარა სამყაროში. შეგიძლიათ იმღეროთ გუნდში, წახვიდეთ თემატურ ლექციებზე, იყოთ კულინარიული კლუბის წევრი, მოაწყოთ საქველმოქმედო ღონისძიებები, დაეხმაროთ გაჭირვებულებს.
„დედაჩემი სულიერ ცხოვრებასა და ტრადიციებში დიდ კომფორტსა და სიხარულს პოულობს“, - ამბობს ტამიოკა. — ის ხვდება საზოგადოების წევრებს, თანამოაზრეებს. ისინი ერთად გეგმავენ აქტივობებს. და ეს ურთიერთობა მასზე მკურნალად მოქმედებს.
