თაფლი როგორც წამალი: როგორ გამოვიყენოთ თაფლი ნერვული სისტემის დაავადებების დროს - მკურნალი.გე

ძველი ჩინელები, ინდოელები, ბერძნები და რომაელები თაფლს იღებდნენ დამამშვიდებლად და საძილე საშუალებად. მას შემდეგ, რაც დადგინდა თაფლის რთული ქიმიური შემადგენლობა, მისმა გამოყენებამ ზოგიერთი ნერვული დაავადების სამკურნალოდ, მეცნიერულად დასაბუთებული ხასიათი მიიღო.

ორგანიზმში მეტაბოლური პროცესებისადმი აქტიური დამოკიდებულებით, ფუტკრის თაფლი აძლიერებს ნერვულ უჯრედს. ცნობილია გლუკოზისა და ფრუქტოზის გავლენა ნერვულ სისტემაზე: ისინი აუმჯობესებენ უჯრედების კვებას, ჟანგვის პროცესებს და დეტოქსიკაციას, რის შედეგადაც ძილი ხდება მშვიდი, მცირდება გაღიზიანება, უმჯობესდება მხედველობა, ჩნდება მხნეობისა და შრომისუნარიანობის განცდა. შაქრის ამ მოქმედებას აძლიერებს თაფლის ვიტამინური და მინერალური შემცველობა. თაფლში ნატრიუმისა და კალციუმის არსებობა ხელს უწყობს ორგანიზმში იონური ბალანსის ნორმალიზებას, რის შედეგადაც უმჯობესდება ნერვული სისტემის ფუნქციები.

ერთ-ერთ ექსპერიმენტში, სამი კვირის განმავლობაში, თაფლით წარმატებით მკურნალობდნენ ქორეით დაავადებულ ორ პაციენტს: მათი ძილი აღდგა, გაქრა თავის ტკივილი, სისუსტე და გაღიზიანება, გაჩნდა მხიარულების შეგრძნება. პროფ. ე. ცანდერი წერს: „არ არსებობს ჭიქა თაფლიან წყალზე უფრო უწყინარი საძილე წამალი, რომელიც მთელი ღამის განმავლობაში დამამშვიდებლად და გამამხნევებლად მოქმედებს. ამ საშუალებას, რა თქმა უნდა, უპირატესობა უნდა მიენიჭოს კუჭის გამაღიზიანებელ ფხვნილებთან შედარებით“.

ნერვული დაავადებების დროს კარგია თაფლის მიღება დილით და სადილის დროს 30 გ-ის, საღამოს 40 გ-ის ოდენობით.

თაფლი შესანიშნავი სამკურნალო საშუალებაა უძილობის დროსაც. დადგენილია, რომ ჭიქა თაფლიანი წყალი (1 კოვზი თაფლი ჭიქა თბილ წყალში), რომელსაც სვამს პაციენტი საღამოს, დაძინებამდე ნახევარი საათით ადრე, უზრუნველყოფს მის მშვიდ ძილს.

თაფლით ეფექტური მკურნალობის მნიშვნელოვანი პირობაა შესაფერისი ყვავილის ფუტკრის თაფლის საჭირო რაოდენობა: უნდა იცოდეთ,ხომ არ შეათბეს თაფლი, მზის პირდაპირი სხივების ზემოქმედებას ხომ არ განიცდიდა, ან თბილ და ნოტიო ოთახში ხომ არ ინახებოდა, ხომ არ კვებავდნენ თაფლის შეგროვების დროს ფუტკრებს შაქრით ან რაიმე სიროფით.

მეფუტკრეობისა და თაფლის შესახებ ვრცელ და ამომწურავ, ყველა საჭირო ინფორმაციას გაეცნობით"პალიტრა L-ის" ახალ ორტომეულში -„თაფლი“, რომლის მეორე ტომი ძირითადად თაფლით მკურნალობას ეხება. მეორე ტომში, რომელიც უკვე შეგიძლიათ შეიძინოთ „ბიბლუსის“ მაღაზიებსა და პრესის გამავრცელებელწერტილებში, ამომწურავად გაეცნობით თაფლის შერჩევისა და მისი სხვადასხვა დაავადებების დროს გამოყენების წესებს.

წიგნი გიამბობთ თაფლის წარმოების ისტორიაზე, მისი ხარისხის მაჩვენებლებზე, შენახვისა თუ სწორად გამოყენების წესებზე. ამ წიგნში გაეცნობით ბულგარეთის აპითერაპიულ კლინიკაში სხვადასხვა ქრონიკული დაავადების მკურნალობის მრავალწლიან გამოცდილებას, წაიკითხავთ პაციენტთა ისტორიებს და კიდევ ერთხელ თავად დარწმუნდებით თაფლისა და მისი პროდუქტების ეფექტიანობაში არა მხოლოდ ხალხური მედიცინის, არამედ კლინიკური, მეცნიერული მედიცინის პრაქტიკაში.

წიგნის შესაძენად შესაძლებელია „ბიბლუსის“ მაღაზიათა ქსელში. ასევე შესაძლებლობა გაქვთ, გახდეთ სერიის გამომწერი, ამისთვის დაგვიკავშირდით 032 2 47 00 45 ან ეწვიეთ ჩვენს ვებგვერდს: https://www.palitral.ge/product/5481/tafli

R