რას ნიშნავს ორგანული პასტა და როგორ უნდა აარჩიოთ ის?
როგორც ნუტრიციოლოგები გვირჩევენ, სასურველია მაკარონი და ზოგადად ცომეული დაბალანსებული კვების ნაწილი იყოს და არ გადავაჭარბოთ ზომიერების ფარგლებს.
აქვე უნდა ვიცოდეთ, რომ სარგებლის მიღება ჩვენი საყვარელი პასტის კერძებითაც შეგვიძლია, რისთვისაც ავტორიტეტულმა მწარმოებლებმა პროდუქციის ორგანული ხაზი შექმნეს.
თავდაპირველად, განვმარტოთ, რა არის ორგანული პასტა და რა სარგებლის მოტანა შეუძლია მას ჩვენთვის?
წარმოებისა და შემადგენლობის შესახებ დეტალებზე დავუკავშირდით იტალიური პასტის მწარმოებელ კომპანია „რეჯიას“, რომლის ბიო პასტა საქართველოშიც არის წარმოდგენილი.
როგორც კომპანიის ქართულ წარმომადგენლობაში განგვიმარტეს, ორგანული პასტის წარმოების პროცესი საკმაოდ ჰგავს სტანდარტული პასტის წარმოების პროცესს, მაგრამ მთავარი განსხვავება მდგომარეობს ინგრედიენტების მოპოვებაში და მათ კულტივირებაში. მაკარონის პირველადი ინგრედიენტი არის ხორბალი, ხოლო ორგანულ მაკარონში ხორბალი კულტივირებულია ორგანული მეურნეობის პრაქტიკის გამოყენებით. ბიო ფერმერები თავს არიდებენ სინთეზური ქიმიკატების გამოყენებას და სანაცვლოდ ბუნებრივ მეთოდებს ეყრდნობიან თავიანთი მარცვლეულის გასანაყოფიერებლად და დასაცავად. ეს ხელს უწყობს ნიადაგის ნაყოფიერების შენარჩუნებას, გარემოზე ზემოქმედების შემცირებას და ბიომრავალფეროვნების ხელშეწყობას. ორგანული პასტა წამოადგენს მთლიანი ხორბლის სემოლინასა და წყლის ნაზავს. ხდება დამწიფებული ხორბლის დაბალ ტემპერატურაზე ნელა გამოშრობა ხარისხის შესანარჩუნებლად და შემდგომ წისქვილში დაფქვა, რომლისგანაც მზადდება პასტის სხვადასხვა ფორმები.
ეკოლოგიურად სუფთა ნედლეულისგან დამზადებული პასტა შეიცავს B ვიტამინს, ფოსფორს, თუთიას, ბოჭკოსა და მინერალებს და ხელს უწყობს მეტაბოლიზმს, ძვლების სიმტკიცეს და ორგანიზმს ენერგიის შევსებაში ეხმარება.
ასევე, პროდუქტი შეიცავს ნაკლებ ლიპიდებს და გაჯერებულია მცენარეული ცილებით, რომლებიც მნიშვნელოვან როლს ასრულებენ ორგანიზმში მიმდინარე პროცესებში.
როგორ ავარჩიოთ ორგანული პასტა?
იმისათვის, რომ გავიგოთ არის თუ არა პასტა ორგანული შემადგენლობის, ყურადღება უნდა გავამახვილოთ შემდეგ მახასიათებლებზე:
- ერთგვაროვანი ყავისფერი ფერი;
- ღია ფერის პატარა ყავისფერი წერტილები.
გასათვალისწინებელია, რომ პროდუქტი თეთრ ან მოყვითალო შეფერილობას იღებს დამუშავების შედეგად და სრულად არის დაცლილი სასარგებლო ვიტამინებისგან, შესაბამისად, არ შეიძლება ჩაითვალოს ბიო პასტად. ეკოლოგიურად სუფთა პასტას მხოლოდ ზემოთ აღნიშნული ვიზუალური მახასიათებლები აქვს.
როგორ გავხადოთ პასტა დაბალანსებული კვების ნაწილი?
პასტა შეიძლება იყოს ყველა საჭირო ვიტამინებით, მინერალებითა და ამინომჟავებით სავსე, დაბალანსებული კვების ნაწილი, თუ დავიცავთ ზომიერებას და არჩევანს ეკოლოგიურად სუფთა პროდუქტზე გავაკეთებთ. მის მოსამზადებლად სასურველია გამოვიყენოთ დიდი რაოდენობით ბოსტნეული და მაღალი ხარისხის ნედლეულისგან დამზადებული სოუსები, რომელიც ჩვენს სადილს უფრო მრავალფეროვანს გახდის.
R