ქალი გინესის რეკორდების წიგნში იშვიათი სინდრომის გამო მოხვდა
ერთნახევარ ტონაზე მეტი საკუთარი რძე გაიღო ახალშობილებისთვის და გინესის რეკორდების წიგნში მოხვდა. ამის შესახებ Daily Mail იტყობინება.
ანდერსონ-სიერამ თქვა, რომ მას ჰიპერლაქტაციის სინდრომი დაუსვეს 2014 წელს, როდესაც ის პირველ შვილს ელოდა. ორსულობის მე-20 კვირაში მისი სარძევე ჯირკვალი ყოველდღიურად 800 მილილიტრზე მეტ რძეს გამოყოფდა. ქალი იძულებული ხდებოდა, რძე გამოეწურა.
მშობიარობის შემდეგ ლაქტაცია კიდევ უფრო გაძლიერდა. ქალის თქმით, ექიმებმა მას აუხსნეს, რომ მის ტვინში არსებული ჰიპოფიზის ჯირკვალი ძალიან ბევრ პროლაქტინს გამოიმუშავებს, ჰორმონს, რომელიც ასტიმულირებს დედის რძის გამომუშავებას.
ჩვეულებრივ, ბავშვის დაბადების შემდეგ, მისი დონე თანდათან უბრუნდება ნორმას, მაგრამ მის შემთხვევაში ეს ასე არ მოხდა.
ჭარბი რძის გამო ახალგაზრდა დედას მუდმივად უწევდა ზედმეტის მოშორება.
"ისე ხშირად მჭირდებოდა მისი გამოწველა, რომ სახლში ვიყავი მიჯაჭვული", - ჩიოდა ანდერსონ-სიერა.
მალე მან გადაწყვიტა რძის პაკეტებში მოთავსება და იმ ბავშვებისთვის შეწირვა, ვისაც ეს სჭირდებოდა. მისი თქმით, ლაქტაციის ცხრა წლის განმავლობაში მან კიდევ ორი შვილი გააჩინა და ჯამში 2600 ლიტრზე მეტი რძე მისცა.
ამრიგად, მან დაამყარა მსოფლიო რეკორდი, რომელიც ჩაიწერა გინესის რეკორდების წიგნში. მათ დაადასტურეს, რომ ანდერსონ-სიერამ შესწირა მინიმუმ 1600 ლიტრი რძე.
ქალის თქმით, ლაქტაცია მას უამრავ უსიამოვნებას უქმნის, რადგან მუდმივად უწევს სახლში ყოფნა, ზედმეტის გამოწველა და შეფუთვა. მას შემდეგ რაც დაასრულებს უმცროსი შვილის კვებას, გეგმავს ორმაგი მასტექტომიის გაკეთებას, პროცედურის, რომლის დროსაც ორივე სარძევე ჯირკვალს კვეთენ.