სამედიცინო რეკომენდაციები სტიქიის ზონაში მომუშავე მაშველებს და მოხალისეებს
დღეს ცნობილი გახდა ასევე პოლიციელის უეცარი გარდაცვალების შესახებ.
გვინდა სტიქიის ზონაში მომუშავე მაშველებს თუ მოხალისეებს მივცეთ გარკვეული რეკომენდაცია.
მათ მუშაობა უხდებათ მაღალი ტემპერატურის პირობებში და უაღრესად სტრესულ გარემოში, ამასთან აქვთ ძალიან დიდი ფიზიკური დატვირთვა. ყველა ეს ფაქტორი ერთად ქმნის გარკვეულ რისკებს გულ-სისხლძარღვთა სისტემის პრობლემების და სხვა ქრონიკული პათოლოგიების მქონე ადამიანებისთვის. გთხოვთ გაითვალისწინოთ შემდეგი რჩევები:
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
1. აუცილებლად სვით წყალი საკმაო რაოდენობით (3 ლიტრი მაინც) დღის განმავლობაში - ეს ძალიან მნიშვნელოვანია.
2. მზის ქვეშ მუშაობისას აუცილებლად დაიხურეთ თავზე. მზის სხივმა შეიძლება გამოიწვიოს კანის დამწვრობა, მზის დაკვრა და სხვა პრობლემები. ატარეთ მზისგან დამცავი ტანსაცმელი.
3. მზის ქვეშ მუშაობისას აუცილებელია პერიოდული შესვენებები - საჭიროა მონაცვლეობითი დატვირთვა, რათა ორგანიზმმა აღიდგინოს ძალები.
4. სწორი კვება გვეხმარება საკმარისი ენერგიისა და საკვები ნივთიერებების მიწოდებაში სტრესულ პირობებში მუშაობისთვის.
5. სწორად შეაფასეთ თქვენი შესაძლებლობები. თუ თავს ცუდად გრძნობ. დაღლილობის ან გადახურების მდგომარეობაში გაგრძელებულმა ფიზიკურმა აქტივობამ შეიძლება გამოიწვიოს სერიოზული შედეგები. ამიტომ ასეთ დროს აუცილებლად უნდა შეწყვიტოთ ფიზიკური დატვირთვა.
6. თუ გაქვთ სამედიცინო პრობლემა (როგორიცაა გულ-სისხლძარღვთა დაავადება), სიცხეში ფიზიკური სამუშაოს შესრულებამდე გაიარეთ კონსულტაცია ექიმთან.
