ადამიანებში აღმოჩინეს „კვებისმიერი სიბრძნე“: რა ფენომენია ეს?
ამ დასკვნამდე მივიდა მეცნიერთა საერთაშორისო ჯგუფი ბრისტოლის უნივერსიტეტის (დიდი ბრიტანეთი) ექსპერიმენტული ფსიქოლოგიის პროფესორის ჯეფ ბრუნსტრომის ხელმძღვანელობით.
მკვლევარებმა ჩაატარეს ექსპერიმენტი, რომელშიც 128 მოხალისე მონაწილეობდა. მონაწილეებს აჩვენეს სხვადასხვა ბოსტნეულისა და ხილის დაწყვილებული სურათები და სთხოვეს აერჩიათ ის, რაც ყველაზე მეტად მოეწონათ.
აღმოჩნდა, რომ ადამიანები სხვებთან შედარებით უფრო ხშირად ირჩევენ ზოგიერთ კომბინაციას. მაგალითად, ვაშლი-ბანანის წყვილი უფრო პოპულარული აღმოჩნდა, ვიდრე ვაშლი-მოცვის წყვილი. ბრუნსტრომისა და მისი კოლეგების აზრით, ეს არჩევანი ეფუძნება წყვილში მიკროელემენტების რაოდენობას და იმას, თუ როგორ უზრუნველყოფს მათი კომბინაცია სხვადასხვა ვიტამინებისა და მინერალების ბალანსს.
მეორე ექსპერიმენტში მკვლევარებმა გააანალიზეს ქვეყნის მასშტაბით ჩატარებული გამოკითხვის შედეგები, რომელშიც ბრიტანეთში მცხოვრები ადამიანები საუბრობდნენ თავიანთ დიეტასა და კერძებზე, რომლებიც მათ ურჩევნიათ.
მკვლევარებმა დაასკვნეს, რომ ადამიანები ინტუიციურად იყენებენ საკვების კომბინაციებს, რომლებიც ზრდის დიეტაში სხვადასხვა მიკროელემენტების რაოდენობას.
მაგალითად, ქვეყანაში ისეთი პოპულარული კერძების, როგორიცაა „თევზი კარტოფილით“ ან "ბრინჯი კარით", კომპონენტები, შეიცავს უფრო მეტ საკვებ ნივთიერებებს, ვიდრე პროდუქტების შემთხვევითი კომბინაციები.
„ადამიანებში საკვების არჩევანი გაცილებით რთულადაა მოწყობილი, ვიდრე ერთი შეხედვით ჩანს. ადამიანები უბრალოდ არ ჭამენ ყველაფერს და იღებენ ყველა საჭირო ნივთიერებას, ისინი ირჩევენ რა იქნება მათთვის უფრო სასარგებლო“, - თქვა ბრუნსტრომმა, რომელმაც ამ ინტუიციურ უნარს „კვებისმიერი სიბრძნე“ უწოდა.