სამზარეულოს მიღმა: ზეითუნის ზეთის გამოყენება სახის კანისა და თმის მოვლაში
თუმცა, მისი სარგებლობა მხოლოდ კულინარიით არ შემოიფარგლება. ზეითუნის ზეთი აქტიურად გამოიყენება სახის კანისა და თმის მოვლაში და გვთავაზობს უამრავ ბენეფიტს რასაც დეტალურად გაგაცნობთ სტატიაში.
ზეითუნის ზეთი სახის კანის მოვლაში
ჯანსაღი და კრიალა კანის მისაღწევად შეიძლება იმაზე მეტი ბუნებრივი ინგრედიენტი გამოგადგეთ, ვიდრე ეს თქვენ წარმოგიდგენიათ. ბუნების მრავალ გასაოცარ პროდუქტს შორის განსაკუთრებული ადგილი უკავია ზეითუნის ზეთს, რომელიც იდეალურია კანის მოვლისთვის. მკვებავი ნაერთების მდიდარი შემადგენლობით, ზეითუნის ზეთი გახდა გამოერჩეული პროდუქტი სილამაზის რუტინაში მთელი მსოფლიოს მასშტაბით. მას შეუძლია კანის დატენიანება, გაახალგაზრდავება, აღდგენა და გაჯანსაღება.
- ატენიანებს: ზეითუნის ზეთი შეიცავს სქუალინსა და E ვიტამინს. სქუალინი ხელს უწყობს კანის ტენიანობის შენარჩუნებას, ხოლო ვიტამინი E ზრდის კანის უნარს შეიწოვოს და შეინარჩუნოს წყალი;
- ამცირებს დაბერების ნიშნებს: ვიტამინებთან ერთად, ზეითუნის ზეთი მდიდარია ანტიოქსიდანტებით. ამ ნაერთებს დიდი უნარი აქვთ ებრძოლონ ოქსიდაციურ სტრესს, რომელიც დაკავშირებულია კანის დაბერებასთან. ამასთან, ანტიოქსიდანტები ზრდიან კოლაგენის შემცველობას კანში, რაც უზრუნველყოფს კანის სიმკვრივესა და სიჯანსაღეს;
- აშორებს მაკიაჟს: ზეითუნის ზეთი გამოიყენება მაკიაჟისა და კანზე ცხიმოვანი ნარჩენების დასაშლელად. იგი განსაკუთრებით ეფექტურია წყალგამძლე მაკიაჟის მოსაშორებლად. ზეითუნის ზეთი ბუნებრივად აშორებს მაკიაჟს კანიდან, რაც ჩვეულებრივ გამწმენდს ბევრად უფრო ეფექტურს ხდის;
- ხელს უწყობს ჭრილობების შეხორცებას: ზეითუნის ზეთს აქვს ანთების საწინააღმდეგო და ანტიმიკრობული თვისებები, რაც ხელს უწყობს ჭრილობების შეხორცებას. კვლევებმა აჩვენა, რომ ზეითუნის ზეთს შეუძლია ხელი შეუწყოს ისეთი ანთებების დამშვიდებას, როგორიცაა ეგზემა, მზისგან მიღებული დამწვრობა, ფსორიაზი და სხვა.
ზეითუნის ზეთის თქვენი კანის მოვლის რუტინაში ჩართვის ორი გზა არსებობს. ის შეიძლება გამოყენებული იქნეს როგორც ცალკე, ისე სხვა პროდუქტებთან ერთად. მაგალითად, შეგიძლიათ თქვენს სახის მკვებავს წასმამდე დაუმატოთ 1-2 წვეთი ექსტრა ვირჯინ ზეითუნის ზეთი დამატებითი დატენიანებისა და ბზინვარებისთვის. როცა საქმე ეხება მაკიაჟისა და ჭუჭყის მოშორებას, ზეითუნის ზეთი შეგიძლიათ გამოიყენოთ ცალკე, როგორც სახის გამწმენდი საშუალება. მშრალ კანზე შეიზილეთ ზეითუნის ზეთი, ისე როგორც სხვა ნებისმიერი დასაბანი საშუალება, დაიმასაჟეთ კანი წრიული მოძრაობებით, ეს ხელს შეუწყობს მაკიაჟის დაშლას რის შემდეგაც შეგიძლიათ სახე ჩამოიბანოთ ნელ-თბილი წყლით.
ზეითუნის ზეთი ასევე იდეალური საშუალებაა ტუჩების დატენიანებისთვისაც. შეგიძლით პირდაპირ დაიტანოთ ტუჩებზე ექსტრა ვირჯინ ზეითუნის ზეთი, რომელიც დაიცავს კანს გამოშრობისა და დახეთვისგან.
გაითვალისწინეთ, რომ აკნესადმი მიდრეკილი კანისთვის წმინდა ზეთის გამოყენება სახეზე, განზავების გარეშე, არა არის რეკომენდირებული. უმჯობესია, კონსულტაცია გაიატოთ თქვენს დერმატოლოგთან.
ზეითუნის ზეთი სხეულის მოვლაში
ზეითუნის ზეთი ეფექტურად გამოიყენება სხეულის მოვლაშიც. მისი ჩამატება შეგიძლიათ ტანის კრემებსა და ლოსიონებში, ასევე გამოიყენოთ დამოუკიდებლად. დამატებით, ზეითუნის ზეთი კარგი საშუალებაა ხელებისა და ნუნების მოვლისთვის. წაისვით მცირე რაოდენობით ზეითუნის ზეთი კანის ნებისმიერ ზედმეტად მშრალ ადგილას. ეფექტურია ჭურჭლის რეცხვის შემდეგ და ძილის წინ. შედეგს ძალიან მალე მიიღებთ.
დამატებით, ზეითუნის ზეთი გამოიყენება კანის დასატენიანებლად პარსვის წინ. წაისვით ზეითუნის ზეთი კანზე საპარსი ქაფის ან გელის ნაცვლად. შემდეგ კი აუცილებლად ჩამოიბანეთ, რომ თავიდან აიცილოთ ფორების გაჩენა.
კანის მოვლისთვის გამოიყენეთ ექსტრა ვირჯინ ზეითუნის ზეთი ან წიპწის ზეთი. მოერიდეთ რაფინირებული, მეორადი გამოხდის, ზეითუნის ზეთის გამოყენებას სილამაზის რუტინაში. თუ გაქვთ ცხიმიანი კანი, ნუ გამოიყენებთ ზეითუნის ზეთს დამატენიანებელ საშუალებად, თუმცა მისი ჩამატება შეგიძლიათ დასაბან, მაკიაჟის მოსაშორებელ და გაპარსვის რუტინაში.
ზეითუნის ზეთი თმის მოვლაში
შეიძლება გაგიკვირდეთ, მაგრამ ზეითუნის ზეთი გთავაზობთ უამრავ სარგებელს თქვენი თმისთვისაც. ზეითუნის ზეთს შეუძლია გარდაქმნას თქვენი თმა, გააუმჯობესოს სტრუქტურა, შესძინოს მას ბზინვარება და სიცოცხლისუნარიანობა. ზეითუნის ზეთის ძირითადი ქიმიური ელემენტებია ოლეინის მჟავა, პალმიტის მჟავა და სქუალინი. სწორედ ეს ელემენტები მატებს თქვენს თმას სირბილესა და სტრუქტურულ გამძლეობას.
ზეითუნის ზეთი უნიკალური საშუალებაა ტენიანობის ბალანსის აღდგენის, გაყოფილი ბოლოების მკურნალობისა და გაღიზიანებული სკალპის დამამშვიდებლად. განსაკუთრებულად ეფექტურია შეღებილი და დაზიანებული, დამწვარი თმისთვის. ზეითუნის ზეთი ხელს უწყობს თმის ჯანსაღ იერს გამომშრალი თმის კუტიკულის დალუქვისა და გასწორების გზით. ის ებრძვის სკალპის სიმშრალეს, ქავილსა და აქერცვლას.
გამოყენების ინსტრუქცია“
საწყის ეტაპზე თმისთვის გამოიყენეთ მხოლოდ ერთი ან ორი სუფრის კოვზი ექსტრა ვირჯის ზეითუნის ზეთი. დოზირება დამოკიდებულია იმაზე, თუ რამდენად ღრმად გსურთ თმის დატენიანება და სად. ბოლოები არ საჭიროებს ერთი სუფრის კოვზზე მეტს. თუ მთელ თავს მკურნალობთ, დაგჭირდებათ მინიმუმ 1/4 ჭიქა ზეითუნის ზეთი. ზეთი ღრმად შეიზილეთ თმაში, შეიფუთეთ თმა შხაპის ქუდით და დაიტოვეთ 15 წუთის განმავლობაში. სანამ ზეთს ჩამოიბანთ თმიდან, ჩამოივარცხნეთ თმა ფართო კბილებიანი სავარცხლით. შემდეგ კი საგულდაგულოდ ჩამოიბანეთ შამპუნით. ზეითუნის ზეთი შეგიძლიათ დაამატოთ თქვენს თმის ნიღბებს და კონდიციონერს.
ზეითუნის ზეთი ყველაზე ეფექტურია მშრალი და სქელი თმისთვის. მას შეუძლია შეინარჩუნოს თმა ტენიანი და ძლიერი. გაითვალისწინეთ, რომ ზეითუნის ზეთი ამძიმებს თხელ თმას. ხოლო, ცხიმიანი თმა კონდიცირებას არ საჭიროებს.
ზეითუნის ზეთის წასმა რეკომენდირებულია 72 საათში ერთხელ. გაღიავებულ თმაზე გამოყენებამდე, შეამოწმეთ ერთი ღერი, რათა დარწმუნდეთ, რომ ზეთი არ დატოვებს მწვანე ჩრდილის კვალს.
საქართველოში, ერთ-ერთი ყველაზე მოთხოვნადი ზეითუნის ზეთის ბრენდი „BASSO“ გთავაზობთ ზეთის რამდენიმე სახეობას. სახისა და თმის მოვლაში ყველაზე ეფექტური და რეკომენდირებულია „ბასო“-ს ზეთების ორი სახეობა: ექსტრა ვირჯინი ზეითუნის ზეთი და ყურძნის წიპწის ზეთი.
*რეკომენდირებულია, ზეითუნის ზეთს სილამაზის მოვლის რუტინაში აქტიურად ჩართვამდე კონსულტაცია გაიაროთ თქვენს დერმატოლოგთან.
R