მეცნიერებმა ახსნეს, რატომ არის ღამით მუშაობა საშიში ჯანმრთელობისთვის
გაბატონებულ მოსაზრებას, რომ ადამიანები, რომლებიც რეგულარულად მუშაობენ ღამის ცვლაში, თანდათან ეჩვევიან ცხოვრების „შებრუნებულ“ განრიგს და ღამით სიფხიზლე არ აზიანებთ მათ.
მკვლევარებმა ერთ-ერთი საფრანგეთის საავადმყოფოს 140 თანამშრომლის მონაცემები გააანალიზეს. მათგან 63 რეგულარულად მუშაობდა ღამის ცვლაში, დანარჩენი კი დილის და შუადღის ცვლაში. ყველა მონაწილეს მთელი კვირის განმავლობაში გაკეთებული ჰქონდა მაჯაზე ელექტრონული მოწყობილობები, რაც მათ საშუალებას აძლევდა თვალყური ედევნებინათ ძილის ხარისხსს და ცირკადულ რიტმზე - ბიოლოგიურ საათზე, რომელიც კოორდინაციას უწევს ორგანიზმში არსებულ ყველა ფიზიოლოგიურ პროცესს.
შეგროვებული ინფორმაციის ანალიზმა აჩვენა, რომ იმ მონაწილეთა ძილის ხარისხი, რომლებიც მუშაობდნენ ღამით, საშუალოდ, ორჯერ უფრო ცუდი იყო, ვიდრე მათი, ვინც მუშაობდა დილით და შუადღისას. ღამით მომუშავეების თითქმის ნახევარში დარღვეული იყო ცირკადული რითმები. მკვლევარებმა ასევე დაადგინეს თითოეული მონაწილის ბუნებრივი ქრონოტიპები, ანუ დღის რომელ საათზე ხდება მათი პიკური აქტივობა - დილა თუ საღამო. გაირკვა, რომ ღამის ცვლაში მომუშავე ადამიანების ცხოვრების რიტმი ხშირად არ ემთხვევა მათ ქრონოტიპს და მათ უწევთ ძილი იმ დროს, როცა ფხიზლად უნდა იყვნენ და იმ დროს იმუშაონ, როცა უნდა ეძინათ.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
თუმცა, რაც მთავარია, ასეთი ნეგატიური ზემოქმედება ძილსა და ცირკადულ რიტმზე დაფიქსირდა იმ თანამშრომლებშიც, რომლებიც მრავალი წლის განმავლობაში მუშაობდნენ ღამის ცვლაში. უფრო მეტიც, რაც უფრო დიდხანს გაგრძელდა მუშაობა ღამით, მით უფრო ძლიერი იყო დარღვევები, რაც უარყოფს ღამის სამუშაოსთან ადაპტაციის ჰიპოთეზას, ხაზს უსვამენ ავტორები.
არაერთი კვლევა აჩვენებს, რომ ორგანიზმის ცირკადული რითმების ქრონიკული მოშლა ზრდის ონკოლოგიური, გულ-სისხლძარღვთა, მეტაბოლური და ინფექციური დაავადებების რისკს.
