ლოზანელმა მეცნიერებმა დაასახელეს პარკინსონის დაავადების ნიშანი, რომელიც ტიპურ სიმპტომებზე 5 წლით ადრე ჩნდება
ეს მძიმე ნეიროდეგენერაციული დაავადება ყველაზე ხშირად ვლინდება ნელი მეტყველებითა და მოძრაობით, არასტაბილური სიარულით და კუნთების ტრემორით.
პარკინსონის დაავადების გამაფრთხილებელ ნიშნად მკვლევარებმა მიიჩნიეს ეგრეთ წოდებული "ყოფნის ჰალუცინაცია". ანუ მას ეჩვენება, რომ ოთახში ვიღაც არის – მაგალითად, ზურგს უკან დგას ან ფარდის მიღმა იმალება და ირგვლივ არსებულ საგნებს დამახინჯებული სახით აღიქვამს.
ასეთი გამოვლინებები ხდება პარკინსონის დაავადების მქონე ყოველი მესამე პაციენტში და დაავადების აშკარა სიმპტომების გამოვლენამდეც კი, როდესაც ვლინდება ხელების კანკალი და მოძრაობა იზღუდება", - წერენ მეცნიერები ჟურნალ Nature Mental Health-ში, წერს Mirror.
ჰალუცინაციების გამოჩენა პარკინსონის დაავადების უფრო სწრაფი მიმდინარეობის პროგნოზული ნიშანია.
„დაავადების პირველი ხუთი წლის განმავლობაში ეს პაციენტები უფრო სწრაფად განიცდიან კოგნიტურ დაქვეითებას, - მეხსიერების დაკარგვას, ავტომატური რეაქციების გაუარესებას“, - აღნიშნავენ მეცნიერები.
ხშირად პარკინსონის დაავადებით დაავადებული პაციენტები და მათი ოჯახები ექიმებს არ ეუბნებიან მომხდარი ჰალუცინაციების შესახებ, რადგან ბევრი დარწმუნებულია, რომ ამ დაავადების სიმპტომებია ხელების კანკალი და არამყარი სიარული. მაგრამ სინამდვილეში ეს ასე არაა.