ველნეს მოგზაურობების მნიშვნელობა ჯანმრთელობისთვის და საქართველოს უნიკალური საკურორტო პოტენციალი
რომლის ერთ-ერთ ძირითად განმაპირობებელ ფაქტორსაც ქვეყნის კლიმატურ-ბალნეოლოგიური მახასიათებლები წარმოადგენს.
შავი ზღვის მოსაზღვრეობითა და გეოგრაფიული მდებარეობის უპირატესობით, საქართველო იმ მოწინავე ქვეყნებს შორისაა, რომლებსაც მრავალი ტიპის პათოლოგიის სამკურნალოდ სტუმრობენ. ქვეყანაში კლიმატური მკურნალობა განსაკუთრებით ეფექტურია ზღვისპირა, დაბალი და საშუალო მთის ქვედა სარტყლის პირობებში.
საქართველო მდიდარია როგორც ჰიდრომინერალური, ისე პელოიდური რესურსებითაც. ქვეყანაში 2000-ზე მეტი მინერალური წყალი მოიპოვება, რომელთაგან 1700-ზე მეტს ბუნებრივი გამოსავალი აქვს. სწორედ, ამ მინერალური წყლების ქიმიურ-ფიზიკური თავისებურებები მიგვანიშნებს მათი უმრავლესობის სამკურნალო თვისებებზე.
ოფიციალური რიცხვის გარდა, საქართველოში ათასობით საკურორტო ზონაა, რომელიც უნიკალურ გამაჯანსაღებელი თვისებებით ხასიათდება, რაც ქვეყანას აძლევს ველნეს, ე.წ გამაჯანსაღებელი ტურიზმის უპრეცედენტო პოტენციალს.
ველნესის ჰოლისტური განმარტებისა და დატვირთვიდან გამომდინარე, ამ მიმართულების უგულებელყოფა თითოეული ადამიანისთვის ახდენს უარყოფით გავლენას მის ჯანმრთელობასა და ზოგად, სოციალურ კეთილდღეობასა, თუ სტაბილურობაზე.
საქართველოს საკურორტო ზონების ტიპები და ბენეფიტები
გამაჯანსაღებელი მიზნით მოგზაურობის სარგებლიანობა დამოკიდებულია იმ ლოკაციაზე, სადაც გადაწყვეტთ დასვენებას. Ზღვის, მთისა და ბარის ჰავას სხვადასხვა ტიპის უნიკალური კლიმატური მახასიათებლები აქვს, რომელიც მოგზაურობის დაგეგმვისას აუცილებლად უნდა გავითვალისწინოთ.
ზღვისპირა კურორტების სამკურნალო-პროფილაქტიკური მახასიათებლები, დამოკიდებულია საზღვაო კლიმატზე, რომელიც საქართველოში რბილი და ზღვის იდეალური ტემპერატურით (+21-29 გრადუსით) ისევე, როგორც ველნეს ფუნქციების ფართო სპექტრით გამოირჩევა.
ურეკი-გრიგოლეთის ქვიშიანი სანაპიროები ტიტანომაგნეტიტური და ფერომაგნიტური ფრაქციებით შექმნილი ველით ხასიათდება, რომელსაც მსოფლიოში ანალოგი არ ჰყავთ.
ამგვარი ზღვის კლიმატის მქონე ლოკაცია იდეალურია: გულ-სისხლძარღვთა, საყრდენ-მამოძრავებელი, ნერვული, ძვალ-სახსროვანი და სხვა ქრონიკული დაავადებების სამკურნალოდ. სისხლის მიმოქცევის, თირკმლის ფუნქციისა და ორგანიზმის ჰემოდინამიკის გაუმჯობესებისთვის.
აჭარის ზღვისპირა, კლიმატური კურორტებისაგან განსაკუთრებული მიკროკლიმატით გამოირჩევა ბალნეოლოგიური კურორტი ქობულეთი, იგი საქართველოს შავი ზღვისპირეთის კურორტებიდან ყველაზე ახლოს მდებარეობს ზღვასთან და ზღვის დონიდან მხოლოდ 3-5 მ–ის სიმაღლეზეა გაშენებული.
ქალაქის საკურორტო მნიშვნელობას ზრდის მისი ჰავა, ქლორიან-ნატრიუმიანი, მინერალური, გოგირდოვანი წყლები, სამკურნალო ტალახები და წვრილ-ქვიშიანი სანაპირო, რომელიც კურორტს სრულყოფილ, გამაჯანსაღებელ და სამკურნალო რეზორტად აქცევს.
Სწორედ ამ გამორჩეული მახასიათებლებიდან გამომდინარე, ქობულეთი იდეალურია როგორც დასვენებისთვის, ისე: ძვალ–სახსრების, ლიმფური ჯირკვლების, ტუბერკულოზის, ნერვული, რესპირატორული, თუ გულ–სისხლძარღვთა დაავადებების მკურნალობისთვისა და წყლის, მზის, თუ სხვადასხვა სახის თერაპიული აბაზანებისთვის.
საქართველოს სამთო საკურორტო ზონები განსაკუთრებით მნიშვნელოვანია ორგანიზმისა და იმუნიტეტის გასაძლიერებლად. ბაკურიანი, შოვი, ბახმარო, წყალტუბო, საირმე - თერმული წყლებითა და უნიკალური კლიმატური პირობებით, კუჭის, თორმეტგოჯა ნაწლავის, ქრონიკული და ჰიპოაციდური გასტრიტისა და სხვა მრავალი დაავადებების სამკურნალოდ გამოიყენება.
განსაკუთრებული ფუნქციური დანიშნულებები აქვს კურორტ წაღვერს,რომელიც გარშემორტყმულია წიწვოვანი ხეებით, სავსეა მინერალური წყლებითა და სუფთა ჰაერით.
პელოიდური კურორტი - სადაც ერთ-ერთ ძირითად ბუნებრივ სამკურნალო ფაქტორად, კლიმატთან და ბუნებრივ მინერალურ წყალთან ერთად, სამკურნალო ტალახი გამოიყენება.
დაბალი მთის პირობებში მდებარე კურორტები ახტალა სოპკის ტალახით ხასიათდება, რაც იდეალურია: ძვალ-სახსროვანი, პერიფერიული ნერვული და შარდ-სასქესო სისტემების დაავადებებისთვის, ბავშვთა ცერებრალური დამბლებისა და პოლიომელიტის ნარჩენი მოვლენებისთვის.
Ხოლო კუმისი, სულფიდური ტალახი სილიციუმის, ალუმინის, რკინის ჟანგეულებისა და სხვა ბიოლოგიურად აქტიური ნივთიერებების შემცველობით ხასიათდება, რაც ხელს უწყობს: გულ-სისხლძარღვთა, გინეკოლოგიური და ძვალ-სახსართა სისტემის დაავადებების, ქრონიკული პიელონეფრიტის და ნეფრიტის ცისტიტის, ქრონიკული გასტრიტების, ქრონიკულიჰეპატიტის და ასევე, ნერვული სისტემის დაავადებების: ედიკულიტის, იშიასისა და ენცეფალიტის მკურნალობას.
რა ბენეფიტები აქვს ველნეს ტურიზმს ჯანმრთელობისთვის?
საქართველოს ბუნებრივი საკურორტო და ლანდშაფტური მახასიათებლიდან გამომდინარე, ქვეყანა მდიდარია კლიმატურ-ბალნეოლოგიური რესურსებით, რომელსაც აქვს უდიდესი პოტენციალი, იქცეს მსოფლიოს ერთ-ერთ წამყვან გამაჯანსაღებელ მდებარეობად.
ახალი გამოცდილებების შექმნით, სამკურნალო-პროფილაქტიკური დატვირთვით - ველნეს ტურიზმი შესაძლებლობას აძლევს ნებისმიერი ასაკისა და გემოვნების ადამიანს, გამორჩეულ დასასვენებელ, კურორტულ გამოცდილებასთან ერთად, ჯანსაღი ცხოვრების წესი შეიქმნას.
ველნეს ტურიზმის მოიცავს ისეთ თერაპიულ, თუ გამაჯანსაღებელ და სამკურნალო პროცედურებს, რომლებიც სასიამოვნო დასასვენებელ გამოცდილებასთან ერთად, მსგავსი ტიპის მოგზაურობის დაგეგმვის აუცილებლობას მკაფიოდ გვანახებენ.
იმუნიტეტის აღდგენა/გაძლიერება, ანტი-სტრესი, აქტიური/პასიური დასვენებისა და მკურნალობა - ეს არის იმ შესაძლებლობების ჩამონათვალი, რაც კიდევ უფრო დიდ მნიშვნელობას სძენს ველნეს მოგზაურობებს საქართველოში და ხელს უწყობს ცხოვრების ხარისხის ფორმირებასა, თუ მის გაუმჯობესებას.