ლალი ჩხიკვაძე

სამედიცინო ჟურნალის BMJ Case Reports-ის ცნობით, 14 თვის წინ ქალს სწორი ნაწლავის კიბოს დიაგნოზი დაუსვეს და დაუნიშნეს ქიმიოთერაპიის კურსები, ასევე ანტიბიოტიკი მინოციკლინი, რომელიც ეხმარება ქიმიოთერაპიის გვერდით ეფექტებთან ბრძოლაში.

ცოტა ხნის შემდეგ იაპონელმა ქალმა აღმოაჩინა, რომ მისი ენა შავი და თმიანი გახდა. ექიმებმა მას ენის პაპილების ქრონიკული ჰიპერტროფიის დიაგნოზი დაუსვეს, დაავადება, რომელიც ხასიათდება ენის გამაგრებული პაპილების ზრდით. ამ მდგომარეობის მიზეზი იყო ანტიბიოტიკების გამოყენება. ექიმებმა წამალი სხვა მედიკამენტით შეცვალეს და ექვსი კვირის შემდეგ იაპონელი ქალის მდგომარეობა გაუმჯობესდა.