„კარტერ’ს-ის“ მაღაზიაში 1-2 ივნისს საქველმოქმედო ღონისძიება იგეგმება - გამოფენა და სიურპრიზები ბავშვებისთვის - მკურნალი.გე

„კარტერ’ს“ ჰუმანიტარულ ორგანიზაცია World Vision საქართველო-სთან ერთად საქველმოქმედო აქტივობებში ერთვება. შესაბამისი მემორანდუმი უკვე გაფორმდა და პირველი ღონისძიება ბავშვთა დაცვის დღეს - 1-ელ ივნისს დაიგეგმა.

ღონისძიება 17:00 საათზე, „კარტერ’ს-ის“ მაღაზიაში,„გალერია თბილისი“-ს მესამე სართულზე დაიწყება და რამდენიმე კომპონენტს მოიცავს.

„კარტერ’ს“-ისა და World Vision-ის თხოვნით,საბავშვო ბაღ „პატრონუსი-ის“ ბავშვებმა შექმნეს ნახატები და აქსესუარები, რომლებიც „კარტერ’ს-ის“ მაღაზიაში 1-2 ივნისს იქნება გამოფენილი. მაღაზიაში მისულ სტუმრებს საშუალება ექნებათ, მათთვის მისაღებ სიმბოლურ ფასად შეიძინონ აღნიშნული ნივთები და მონაწილეობა მიიღონ საქველმოქმედო აქციაში. ასევე, 1 ივნისს 17:00-19:00 საათებში პატარებს შესაძლებლობა ექნებათ გახალისდნენ ანიმატორებთან ერთად, მიიღონ მონაწილეობა სახის მოხატვის აქტივობაში და ჩაერთონ წამახალისებელ გათამაშებაში.

„პატრონუსი“-ს ბავშვების ნახატებიდან და აქსესუარებიდან შემოსული თანხა და 1-2 ივნისს „კარტერ’ს-ის“ მაღაზიის რეალიზაციის 5% სრულად გადაეცემა World Vision-ის ბენეფიციარ ჩვილ ბავშვთა სახლს.

როგორც „კარტერ’ს-ის“ წარმომადგენლები აღნიშნავენ, საქველმოქმედო ღონისძიებებს ექნება სერიული ხასიათი და World Vision-თან გაფორმებული მემორანდუმის ფარგლებში მთელი წლის განმავლობაში გაგრძელდება. აქტივობებში მონაწილეობის მიღებასა და ბენეფიციარი ბავშვების დახმარებას კი ბრენდის მომხმარებლებიც შეძლებენ.

აღსანიშნავია, რომ ამერიკული ბრენდი „კარტერ’ს“ საქართველოში 2022 წლის ნოემბერში შემოვიდა. თითქმის 160-წლიანი ისტორიის განმავლობაში ბრენდი მუდმივად ასოცირდება სანდო და ხარისხიანი პროდუქციის მწარმოებელთან, რომელსაც მსოფლიოს მასშტაბით ათასობით მშობელი ენდობა. ამასთან, ბრენდი დახვეწილი დიზაინის, კომფორტული და მრავალფეროვანი კოლექციებით არის ცნობილი.

აშშ-ში ბავშვის ტანსაცმლისა და აქსესუარების გაყიდვების მეოთხედი სწორედ „კარტერ’ს-ზე“ მოდის. ბრენდის პროდუქცია ხელმისაწვდომია როგორც „კარტერ’ს-ისა“ და „ოშკოში-ს“ მაღაზიებში, ასევე, ონლაინ.

R