ექიმმა შეაფასა წონის დასაკლები პოპულარული ინექციების ეფექტურობა
მან ჩამოთვალა შესაძლო რისკები და სარგებელი Daily Mail-ის საავტორო სვეტში.
ექიმმა აღნიშნა, რომ მედიკამეტები, როგორიცაა Ozempic და Wegovy მართლაც, შეიძლება შეუცვლელი იყოს სიმსუქნის სამკურნალოდ პაციენტებისთვის იმ ეტაპზე, როდესაც ადამიანებს უკვე უჭირთ გადაადგილება და ჭარბი წონა საფრთხეს უქმნის მათ სიცოცხლეს. თუმცა, გალოვეის განცხადებით გადაჭარბებულადაა შეფასებული წონის დაკლების წამლების ეფექტურობა. „ეს არის საინექციო ფორმა, ძალიან ძვირია და მკურნალობის შეწყვეტის შემდეგ წონის ნაწილი ბრუნდება“.
გალოუეი მოგვიწოდებს, არ გვქონდეს სასწაულებრივი განკურნების იმედი პოპულარული ინექციების შემდეგ. ჩვენი ძალისხმევა უნდა მივმართოთ იქითკენ, რომ თავიდან ავიცილოთ სიმსუქნე. ის აღიარებს, რომ ამის გაკეთება ადვილი არ არის მაღალი კალორიული საკვებისადმი ადამიანის ბუნებრივი ლტოლვის გამო. „ზოგიერთი ჩვენგანის სურვილი შოკოლადის მირთმევისა არ არის ღორმუცელობა, არამედ ევოლუციურად სასარგებლო თვისება შიმშილის დროს კალორიების დასაგროვებლად. მაღალკალორიული საკვების ხელმისაწვდომობით, გასაკვირი არ არის, რომ სიმსუქნის ეპიდემია არსებობს“, - განაცხადა გალოვეიმ.
ექიმი თვლის, რომ სიმსუქნის პრობლემას არა მხოლოდ პაციენტებმა, ექიმებმა და ფარმაცევტულმა კომპანიებმა უნდა ებრძოდნენ. გალოვეიმ შესთავაზა ადამიანებს ბავშვობიდანვე ისწავლონ ჯანსაღი საკვების მომზადება, სწრაფი კვების ობიექტების შეზღუდვა და სპორტის წახალისება ავადმყოფობის თავიდან ასაცილებლად.
ასევე, დიაბეტის მედიკამენტების გამოყენება, როგორც წონის დაკლების საშუალება, შეიძლება საშიში იყოს ორგანიზმისთვის. შესაძლო შედეგები მოიცავს ფარისებრი ჯირკვლის კიბოს, თირკმლის უკმარისობას და სხვა დაავადებებს.