„ჯეო ჰოსპიტალსი“ ლაბორატორიული მედიცინის საერთაშორისო კვირეულს აღნიშნავს
რომლის ფარგლებშიც საქართველოს მასშტაბით მოქმედ კლინიკებსა და ამბულატორიულ ცენტრებში სხვადასხვა აქტივობებს გამართავს. კვირეული 24-29 აპრილს აღინიშნება და მას დაასრულებს ,,ჯეო ჰოსპიტალსის“ ორგანიზებით დაგეგმილი სამეცნიერო კონფერენცია „ლაბორატორიული მედიცინის მნიშვნელობა კლინიკურ პროცესებში“. ღონისძიება თბილისში 29 აპრილს გაიმართება. კონფერენციას „ჯეო ჰოსპიტალსისა“ და სხვა სამედიცინო დაწესებულებებიდან მოწვეული ლაბორატორიული მიმართულებით დასაქმებული სამედიცინო პერსონალი დაესწრება.
კონფერენციის ჩატარების პარალელურად, ქვეყნის ერთ-ერთი ყველაზე მძლავრი ჰოსპიტალური ქსელი არ წყვეტს საკუთარ მომხმარებლებზე ზრუნვასაც. „ჯეო ჰოსპიტალსში“ ერთი კვირის განმავლობაში სხვადასხვა მიმართულების ლაბორატორიულ კვლევებზე მასშტაბური აქციები იმოქმედებს.
,,ლაბორატორიული მედიცინა არის მაღალი ხარისხის ჯანდაცვის მიწოდების მთავარი მამოძრავებელი ძალა. ამ მიმართულებით დასაქმებული პროფესიონალთა გუნდი სასიცოცხლოდ მნიშვნელოვან რგოლს წარმოადგენს სწორი დიაგნოსტირებისა და წარმატებული მკურნალობის პროცესში. სწორედ ამ ადამიანების დასაფასებლად, დაუღალავი ძალისხმევის მადლიერების გამოხატვის მიზნით, მსოფლიო ყოველწლიურად აღნიშნავს ლაბორატორიული მედიცინის კვირეულს, რომელსაც „ჯეო ჰოსპიტალსიც“ უერთდება,“ - განაცხადა „ჯეო ჰოსპიტალსის“ ლაბორატორიული მიმართულების ხელმძღვანელმა ლელა ქაფიანიძემ.
რაც შეეხება ,,ჯეო ჰოსპიტალსის“ ორგანიზებით დაგეგმილ კონფერენციას „ლაბორატორიული მედიცინის მნიშვნელობა კლინიკურ პროცესებში“, მას კლინიკური დირექტორი კახა გზობავა გახსნის. კონფერენციის ფარგლებში კოლეგები საკუთარ გამოცდილებასა და ლაბორატორიული მიმართულებით არსებულ სიახლეებს განიხილავენ.
კონფერენციის მთავარი თემებია:
- ლაბორატორიული სერვისების ხარისხი - რეალობა და გამოწვევები
- ლაბორატორიული უსაფრთხოება პრეანალიზურ ეტაპზე
- კარდიული მარკერები
- ფარისებრი ჯირკვლის ჰათოლოგიების ლაბორატორიული დიაგნოსტიკა
- ალფა ფეტოპროტეინის (AFP) როლი გენეტიკური მუტაციების გამოვლენისას ორსულობის პერიოდში
- შარდის ნალექის მიკროსკოპული ანალიზი
- ამიაკის კვლევის მნიშვნელობა ღვიძლის დაავადებების მართვაში
კონფერენციის დასასრულს მონაწილეებს გადაეცემათ სერტიფიკატები.
R