კიანუ რივზის პატივსაცემად მისი სახელი სოკოს საწინააღმდეგო პრეპარატს ეწოდა
რომელიც შექმნილია სოკოსთან საბრძოლველად. ამის შესახებ New York Times იტყობინება.
გერმანელმა მკვლევარებმა ნივთიერებებს, რომლებიც ებრძვიან როგორც მცენარეების, ასევე ადამიანებისათვის მავნე სოკოებს, "კიანუმიცინები" უწოდეს.
„კიანუ რივზი ასრულებს ბევრ საკულტო როლს, რომლებშიც ის ძალზე ეფექტურია მტრების „დეაქტივაციაში“. „კიანუმიცინები“ იგივეს აკეთებენ სოკოებთან მიმართებაში“, - განმარტა გერმანიის ბუნებრივი პროდუქტებისა და ინფექციების ბიოლოგიის კვლევის ინსტიტუტის ექიმმა და პალეობიოტექნოლოგიის პროფესორმა, პიერ სტალფორტიმ.
კიანუ რივზი გამოეხმაურა ინფორმაციას იმის შესახებ, რომ წამალს მისი სახელი დაარქვეს. მსახიობის თქმით, წამალს მისი პერსონაჟის, ჯონ ვიკის სახელი უნდა ერქვას.
”მაგრამ ეს საკმაოდ მაგარია... და ჩემთვის სიურეალისტურია. მაგრამ მადლობა, მეცნიერებო! წარმატებებს გისურვებთ", - განაცხადა მსახიობმა.