ექიმი საცობში ჩარჩენილი ღვიძლის მოსატანად გაიქცა და იგი პაციენტს გადაუნერგა
რათა გადაენერგა იგი პაციენტისთვის. ინფორმაციას Fox 29 ავრცელებს.
ქირურგ ადამ ბოძინს უნდა გაეკეთებინა ღვიძლის გადანერგვა პაციენტისთვის, მაგრამ აღმოაჩინა, რომ მანქანა, რომლითაც ორგანო გადმოჰქონდათ, საცობში იყო ჩარჩენილი. საავადმყოფოს ირგვლივ გზები ჩაიკეტა ფილადელფიის მარათონისთვის, რომელშიც ათასობით მორბენალი მონაწილეობდა.
თეთრ ხალათში და ქირურგიულ დამცავ აღჭურვილობაში გამოწყობილმა, ბოძინმა გადაწყვიტა თავად გაქცეულიყო ორგანოსთვის. მან თითქმის კილომეტრი გაირბინა, მარათონის მორბენალებს შორის ლავირებდა, რათა წამოეღო ღვიძლი, რომელიც სჭირდებოდა მის 66 წლის პაციენტს.
„პოლიციელს ხელი დავუქნიე მარათონის ტრასაზე გადასვლამდე. საბედნიეროდ, ის დათანხმდა ჩემს უკან წაყვანას, თუ ღვიძლს ავიღებდი. ვფიქრობ, ხალხი უცნაურად მიყურებდა, როცა კონტეინერით გავრბოდი, ”- თქვა ქირურგმა.
პაციენტმა ჩარლზ როუმ, რომელიც იმ დღეს გამზადებული იყო ოპერაციისთვის, ექიმის გარბენის შესახებ მხოლოდ ოპერაციის წარმატებით ჩატარების შემდეგ შეიტყო.
"ის საოცარი ადამიანი, მართლაც საოცარი ექიმია. მან თავის თავს აჯობა მოვალეობის შესრულებისას, ”- თქვა კაცმა.