ლალი ჩხიკვაძე

როგორც წესი, პრეზერვატივი, ვაზექტომია ან ჰორმონული პრეპარატები გამოიყენება მამაკაცებისთვის განკუთვნილ საშუალებად არასასურველი ორსულობის თავიდან ასაცილებლად. პირველ შემთხვევაში შეუძლებელია ასპროცენტიანი დაცვის მიღწევა, მეორე შეუქცევადია, ხოლო უკანასკნელს არაერთი გვერდითი მოვლენა აქვს.

ინოვაციური ტექნოლოგია არის თესლის გამომტან თითოეულ სადინარში ADAM-ის სპეციალური ჰიდროგელის შეყვანა, რომელიც ხელს უშლის სპერმის შეღწევას შარდსადენში. ამგვარად, მამაკაცები, ამ პრეპარატის გამოყენებისას, შეძლებენ ჩვეულებრივ ეაკულაციას და ვერ დაინახავენ განსხვავებას სპერმის მოცულობაში. ექსპერტები ვარაუდობენ, რომ პროცედურის შემდეგ აღდგენა თითქმის ისეთივე იქნება, როგორიც ვაზექტომიის შემდეგ. ჰიდროგელის ეფექტი გრძელდება ორი წლის განმავლობაში, რის შემდეგაც ნივთიერება თანდათან დაიშლება და პაციენტების ფერტილობა თანდათანობით დაუბრუნდება ნორმალურ დონეს.

ჯერჯერობით ADAM გადის კლინიკურ კვლევებს. ოთხ მამაკაცზე ჩატარებული ექსპერიმენტის დროს კონტრაცეპტივმა მაღალი ეფექტურობა აჩვენა, მაგრამ მოხალისეებს ჯერ კიდევ აკვირდებიან იმის გასარკვევად, აქვს თუ არა რაიმე გვერდითი მოვლენები. კვლევის ამ ფაზის დასრულების შემდეგ მეცნიერები გეგმავენ დამატებითი ცდების ჩატარებას შეერთებულ შტატებში. დაგეგმილია პროცედურის საყოველთაოდ ხელმისაწვდომობა 2025 ან 2026 წლამდე.