მსოფლიოს ყველაზე ხანდაზმული ასწლოვანი 122 წლის იუბილეს აღნიშნავს
ამის შესახებ Daily Mail იტყობინება.
პირადობის მოწმობის მიხედვით, მამაკაცი დაიბადა 1901 წლის 3 თებერვალს, რაც მას აძლევს უფლებას მოითხოვოს მსოფლიოში ყველაზე ხანდაზმული ადამიანის ტიტული. ამის მიუხედავად, ის არ ჩქარობს ასაკის ოფიციალურად დადასტურებას და არ არის შეყვანილი გინესის რეკორდების წიგნში.
მხცოვანს ჰყავს 5 შვილი, 13 შვილიშვილი, 16 შვილთაშვილი და ერთი შვილთაშვილის შვილი. მისი ოჯახი ფლობს სამ სახლს, რომლებიც ერთსა და იმავე მიწის ნაკვეთზეა; ერთი მათგანი ეკუთვნის ვიეირა და სილვას.
მამაკაცის ერთ-ერთი შვილიშვილის თქმით, ოჯახმა მისი 122-ე დაბადების დღე მოკრძალებულად აღნიშნა.
„წელს არაფრის მოწყობა არ გვინდა. ჩვენი ოჯახის ზოგიერთ წევრს უჭირს, ამიტომ წვეულების ხასიათზე არ ვართ“, - ამბობს ის.
ქალმა დასძინა, რომ, მიუხედავად მისი ხანდაზმული ასაკისა, ვიეირა და სილვა აქტიურ ცხოვრების წესს ეწევა.
„დიდი სიხარულია ოჯახში ამ ასაკის ადამიანი, რომელსაც შეუძლია თავისი ისტორიები გაგვიზიაროს. ჩემს ქალიშვილს დიდი ბაბუა ჰყავს, მე არ მყავდა. ჩვენ ვაფასებთ მასთან გატარებულ ყოველ წამს. ის მოგზაურობს, დადის ბარებში, აქვს ბევრი ჰობი“, - ამბობს ის.