ლალი ჩხიკვაძე

ამის შესახებ The Sun იტყობინება.

თავის მკვეთრი მობრუნების შემდეგ, ჰენტრიხმა კისრის უკან ხრაშუნის ხმა გაიგონა. მხედველობა მაშინვე დაებინდა, განუვითარდა ძლიერი თავბრუსხვევა და ღებინება, ჩხვლეტითი შეგრძნება სახეზე, მკლავზე და ფეხზე.

დაზარალებული სასწრაფოდ გადაიყვანეს საავადმყოფოში. გამოკვლევამ აჩვენა, რომ ჰენტრიხმა დაიზიანა არტერია, რომელიც სისხლით ამარაგებს ზურგის ტვინს და თავის ტვინს. სისხლმომარაგების დარღვევის გამო მან სიცოცხლისთვის საშიში სამი ინსულტი გადაიტანა.

ჰენტრიხის რეაბილიტაციას ორი კვირა დასჭირდა, რის შემდეგ მან შეძლო ფეხზე დადგომა. ”ეს განსაკუთრებული მომენტი იყო ადგომა და იმის გაცნობიერება, რომ ჯერ კიდევ შემიძლია სიარული, წონასწორობის შენარჩუნება და ცხოვრება ისე, როგორც ადრე ვცხოვრობდი”, - ამბობს ის.

ახლა ჰენტრიხი აპირებს ხალხის ცნობიერების ამაღლებას ინსულტის სიმპტომებისა და სამედიცინო დახმარების მიღების მნიშვნელობის შესახებ შეუქცევადი შედეგების თავიდან ასაცილებლად. „ძალიან გამიმართლა, რომ დროულად მივიღე სამედიცინო დახმარება, ამიტომ არ მაქვს ფიზიკური დაზიანება“, - ამბობს ჰენტრიხი.