უშვილო ქალს კვერცხუჯრედი საკუთარმა დამ აჩუქა
საჩუქრის წყალობით - ჯოანა მისი კვერცხუჯრედის დონორი გახდა. ამის შესახებ Daily Mail იტყობინება.
14 წლის ასაკში კეტრინს ლეიკემიის დიაგნოზი დაუსვეს. მან გაიარა ქიმიოთერაპიის ოთხი კურსი და დაამარცხა კიბო, მაგრამ დაავადება გაუმწვავდა 17 წლის ასაკში. ქიმიოთერაპიის კიდევ ერთი კურსის გავლის შემდეგ კეტრინი უნაყოფო გახდა. „იმ დროს მე არ მაინტერესებდა დედობა. მე უბრალოდ გადარჩენა მინდოდა“, - იხსენებს ის. თუმცა, ჯოანა, რომელიც კეტრინზე ოთხი წლით უფროსია, ექიმების სიტყვებს სერიოზულად მოეკიდა და დას პირობა მისცა, რომ მას შვილს გაუჩენდა, როცა ოჯახის შექმნას მოინდომებდა.
10 წელზე მეტი ხნის შემდეგ კეტრინმა, რომელმაც დაამარცხა ლეიკემია, გაიხსენა დის სიტყვები. ჯოანა სიამოვნებით დაეხმარა დას და შესთავაზა მას კვერცხუჯრედების ჩუქება. მალე კეტრინი დონორის უჯრედების გამოყენებით დაორსულდა. „საინტერესოა, რომ შემიძლია ვიყო ერთი და იგივე ბავშვის ბიოლოგიური დედა და დეიდა. ეს ცოტა დამაბნეველია, მაგრამ ეს სრულიად ნორმალურია ჩვენს ოჯახში“, - აღიარებს ჯოანა.
ქეთრინი რვა თვის ორსულია და მოუთმენლად ელის პირველი შვილის გაჩენას. იგი მადლიერია დის, რომ შესაძლებლობა მიეცა გახდეს დედა და ამტკიცებს, რომ ამ მოვლენამ ისინი დააახლოვა. „მე თვითონაც მინდა, ოდესმე გავხდე დედა და როცა დრო მოვა, აუცილებლად მივმართავ კეტრინს რჩევისთვის. უზომოდ ვამაყობ მისით და იმით, თუ როგორ უმკლავდება ცხოვრებისეულ სირთულეებს. ჩვენ ძალიან გაგვიმართლა, რომ ის კვლავ ჩვენთან გვყავს“, - ამბობს ჯოანა.