მარტოობა და ბედნიერების ნაკლებობა აჩქარებს სხეულის დაბერებას
Deep Longetivity-ის სპეციალისტებმა.
მეცნიერებმა გააანალიზეს 45 წელზე უფროსი ასაკის ადამიანებში ჩატარებული ჯანმრთელობის გრძელვადიანი კვლევის მონაცემები. საერთო ჯამში მათ გამოიყენეს ინფორმაცია 4451 რესპონდენტზე, მათ შორის ფსიქოლოგიური მდგომარეობა - მონაწილეებმა განაცხადეს, რამდენად ხშირად აწუხებს მათ რაღაც, რამდენად ბედნიერად გრძნობენ თავს, მიდრეკილნი არიან თუ არა მოუსვენარი ძილისკენ, აქვთ თუ არა დეპრესია და გრძნობენ თუ არა მარტოობას.
ამ მონაცემების შედარებისას სისხლის ბიომარკერებთან და ბიომეტრიულ მონაცემებთან, მათ შორის თირკმელების ფუნქციის, არტერიული წნევის, სხეულის მასის ინდექსისა და რესპირატორული ფუნქციის გაზომვებით, მეცნიერებმა გამოთვალეს, რომ მარტოობა, ბედნიერების ნაკლებობა და სხვა ფსიქოლოგიური ფაქტორები ბიოლოგიურ ასაკს საშუალოდ 1,65 წლით ზრდის. შედარებისთვის,მოწევას, მხოლოდ 1,25 წელი დაემატა. ადამიანები, რომლებსაც მეუღლეები ჰყავდათ, დაახლოებით ნახევარი წლით "ახალგაზრდები" აღმოჩნდნენ.
მომავალ კვლევებში ავტორები გეგმავენ გაარკვიონ, ფსიქოლოგიურ კეთილდღეობის ცვლილებებმა როგორ შეიძლება იმოქმედოს სხეულის დაბერების ტემპზე. ისინი იმედოვნებენ, რომ ეს ასევე დაეხმარება იმის გაგებაში, თუ როგორ აჩქარებს გარკვეული დამოკიდებულების ან ემოციების გავლენა დაბერებას.