შემუშავებულია პნევმონიის სამკურნალო მიკრორობოტები
ექსპერიმენტების მსვლელობისას მიკრორობოტები თაგვების ფილტვებში ანადგურებდნენ პნევმონიის გამომწვევ ბაქტერიებს და იწვევდნენ 100%-იან განკურნებას. საკონტროლო ჯგუფის ყველა ცხოველი დასნებოვნებიდან სამი დღის განმავლობაში დაიღუპა.
პნევმონია გამოწვეული იყო Pseudomonas aeruginosa ბაქტერიებით, რომელიც, ჩვეულებრივ, უვითარდება ინტენსიური თერაპიის განყოფილებაში ფილტვების ხელოვნურ ვენტილაციაზე მყოფპაციენტებს. მიკრორობოტები შეჰყავდათ მღრღნელების ფილტვებში ტრაქეაში ჩადგმული მილის საშუალებით.
მიკრორობოტები დამზადებულია წყალმცენარეების უჯრედებისაგან, რომელთა ზედაპირიც დაფარულია ანტიბიოტიკებით სავსე ნანონაწილაკებისაგან. წყალმცენარეების უჯრედები მიკრორობოტების ცურვას და უშუალოდ ბაქტერიების გროვასთან ანტიბიოტიკის მიწოდებას უზრუნველყოფენ. ანტიბიოტიკებისგან შემდგარი ნანონაწილაკები შედგება მცირე ზომის ბიოდეგრადირებადი პოლიმერული სფეროებისგან, რომლებიც დაფარულია ნეიტროფილების (ლეიკოციტების ნაირსახეობა) უჯრედული მემბრანით. აღნიშნული მემბრანები ნთქავენ და ანეიტრალებენ ბაქტერიებისა და ორგანიზმის იმუნური სისტემის მიერ გამომუშავებულ ანთებით მოლეკულებს.