თბილისის „ჯეო ჰოსპიტალსის“ მრავალპროფილურ სამედიცინო ცენტრში ერთ-ერთი წამყვანი მიმართულება პედიატრია იქნება
მისი ერთ-ერთი პრიორიტეტული მიმართულება კი პედიატრიაა, რომელიც ამბულატორიული და სტაციონარული მომსახურების ფართო სპექტრს მოიცავს და 100 საწოლს აერთიანებს.
თბილისის მრავალპროფილური სამედიცინო ცენტრის დირექტორის ბესო ზენაიშვილის განმარტებით, პედიატრიული დეპარტამენტი აღჭურვილია უახლესი, მაღალტექნოლოგიური აპარატურით, რაც მათ შორის კვლევების უფრო ეფექტიანად ჩატარების საშუალებას იძლევა.
„კლინიკა მულტიპროფილურია, მათ შორის ძალიან დიდი პედიატრიული დეპარტამენტია, მაღალტექნოლოგიური აპარატურით, შესაბამისად, მაღალკვალიფიციური მედპერსონალით. დეპარტამენტი აერთიანებს თითქმის ყველა მიმართულებას: ზოგადი პედიატრია, ბავშვთა ქირურგია, ნევროლოგია, ენდოკრინოლოგია, ნეფროლოგია და ყბა-სახის ქირურგია. აღსანიშნავია, რომ მომართვიანობა დიდია და პედიატრიული სამსახური მაქსიმალურად დატვირთულია“, - განმარტა ბესო ზენაიშვილმა.
კლინიკა მზად არის მიიღოს სხვადასხვა საჭიროების პაციენტი და უმაღლესი ხარისხის სამედიცინო მომსახურება გაუწიოს მას. აღსანიშნავია, რომ ახალი მაღალტექნოლოგიური კლინიკა, რომელიც,თბილისის „ჯეო ჰოსპიტალსისმრავალპროფილური სამედიცინო ცენტრის“ სახელის ქვეშ ემსახურება პაციენტებს, 250 საწოლზეა გათვლილი და მოიცავს სტაციონარული მომსახურების ფართო სპექტრს,მათ შორის ინსულტის მართვას, კარდიოლოგიას (ინტერვენციით), აბდომინურ და თორაკალური ქირურგიას, ნეიროქირურგიას, ყბა-სახისქირურგიას, ოტორინოლარინგოლოგიას, ორთოპედია-ტრავმატოლოგიას, გინეკოლოგიას და სხვა. კლინიკის ძირითად მიმართულებებს ხელმძღვანელობენგამოცდილი და მაღალკვალიფიციური პროფესიონალები, რომელთაც წარმატებული სამედიცინო და აკადემიური კარიერა აქვთ. დაწესებულებაში ხელმისაწვდომია დიაგნოსტიკური მომსახურების სრული სპექტრი, მათ შორის, მაგნიტურ-რეზონანსული (MRT) და კომპიუტერული ტომოგრაფია (CT), ენდოსკოპია და სხვა.
თბილისის მრავალპროფილურ სამედიცინო ცენტრში უზრუნველყოფილია პაციენტის მკურნალობის უწყვეტობა, რასაც გამართული გადაუდებელი დახმარების, თერაპიული/პედიატრიული, რეანიმაციული, ქირურგიული ერთეულები ემსახურება; თანამედროვე ტექნოლოგიებით აღჭურვილი 7 საოპერაციო თითქმის ყველა პროფილის ქირურგიული, მათ შორის, მცირეინვაზიური ჩარევის შესრულების საშუალებას იძლევა.
სამედიცინო ცენტრი ოფიციალურად გახსნეს „ჯეო ჰოსპიტალსის“ გენერალურმა დირექტორმა ზურაბ ქიტოშვილმა და ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილემ თამარ გაბუნიამ.
ზურაბ ქიტოშვილის განცხადებით, სამედიცინო სერვისების განვითარებასთან ერთად, „ჯეო ჰოსპიტალსი“ სამედიცინო სერვისების ხარისხის გაუმჯობესებაზეც ზრუნავს.
„2-წლიანი მუშაობის შედეგად ახალმა მენეჯმენტმა პაციენტებს მორიგი მნიშვნელოვანი სიახლე შესთავაზა. დაწესებულების ერთ-ერთი პრიორიტეტული მიმართულება პედიატრიაა, რომელზე ხელმისაწვდომობაც მოსახლეობისათვის განსაკუთრებით მნიშვნელოვანია. სამედიცინო სერვისების განვითარებასთან ერთად ჩვენი მიზანი მათი ხარისხის მუდმივი გაუმჯობესებაა, რაც მტკიცებულებებზე დაფუძნებული სამედიცინო პრაქტიკის ხელშეწყობით, ინფექციების კონტროლის გამართული სისტემის ფუნქციონირებით, პერსონალის უწყვეტი სწავლებით მიიღწევა,“ - აღნიშნა „ჯეო ჰოსპიტალსის“ გენერალურმა დირექტორმა.
„ჯეო ჰოსპიტალსი“25 სამედიცინო დაწესებულებითა და 900-ზე მეტი სტაციონარული საწოლით უკვე 11 წელზე მეტია საქართველოს 5 რეგიონში ჯანდაცვითი სერვისების ერთ-ერთი მთავარი მიმწოდებელია. ამავდროულად, ქვეყნის მასშტაბით ის ჯანდაცვის საკადრო რესურსის მნიშვნელოვანი დამსაქმებელიცაა (კომპანიის დაწესებულებებში დასაქმებულია 4000-ზე მეტი თანამშრომელი). 2022 წლიდან „ჯეო ჰოსპიტალსს“ თბილისის მრავალპროფილური სამედიცინო ცენტრი შეემატა, რომელიც ქსელის მასშტაბით რეფერალის მიმღები კლინიკაა. ამასთან, თბილისის მაღალტექნოლოგიური სამედიცინო ცენტრი ქვეყანაში სამედიცინო პერსონალის მზადების ერთ-ერთი მძლავრი ინსტიტუციაა, რომელშიც როგორც დიპლომამდელი, ასევე დიპლომისშემდგომი განათლების პროგრამები ხორციელდება.