მეცნიერებმა გადასანერგი თირკმლის მიღების უნივერსალური მეთოდი შეიმუშავეს
რომლის მიხედვითაც შესაძლებელი იქნება დონორის თირკმლის სისხლის ჯგუფის უნივერსალურით შეცვლა, რაც გადასანერგად ხელმისაწვდომი უფრო მეტი ორგანოს მიღების საშუალება იქნება.
მკვლევრებმა გამოიყენეს ნორმოთერმული პერფუზიური მანქანა - მოწყობილობა, რომელიც უერთდება ადამიანის თირკმელს ორგანოში ჟანგბადით გამდიდრებული სისხლის გასატარებლად, რათა ორგანო შეინახოს მომავალი ტრანსპლანტაციისთვის. ექსპერიმენტში მანქანა გამოიყენეს იმისათვის, რომ დონორის ორგანო სპეციალური ფერმენტის შემცველი სისხლით გაერეცხათ. ამან მეცნიერებს თირკმლის სისხლძარღვების ამომფენი და დონორის სისხლის ჯგუფის მარკერი ანტიგენების მოშორების საშუალება მისცა.
შედეგად თირკმელი შეესაბამებოდა 0 სისხლის ჯგუფს, რომელიც ცნობილია ასევე როგორც სისხლის პირველი ჯგუფი, რაც განსაზღვრავს უნივერსალურ დონორობას. გარდაქმნა დასრულდა პერფუზიის დაწყებიდან რამდენიმე საათში.
ეთნიკური უმცირესობის ადამიანები ხშირად ტრანსპლანტაციას ერთი წლით მეტხანს ელოდებიან, ევროპული რასის ადამიანებთან შედარებით. ეს იმას უკავშირდება, რომ მათ, უმრავლეს შემთხვევაში, აქვთ В ჯგუფის სისხლი, ამიტომ დონორის ორგანოებთან წვდომა მათთვის შეზღუდულია. ამასთან, დიდ ბრიტანეთში მათი რიცხვი თირკმლის ტრანსპლანტაციის მომლოდინეთა სიაში 33%-ს შეადგენს. ახალი მეთოდით იზრდება წარმატებული გადანერგვის შანსები, თუმცა მეცნიერებს მოუწევთ შეამოწმონ ორგანოს რეაქცია სისხლის სხვადასხვა ჯგუფზე.