ლალი ჩხიკვაძე

ქმარი ჰეზერ ლის 20 წლის წინ გარდაეცვალა და გარდაცვალებამდე უთხრა: „ახლა დროა აჩვენო შენი ძალა“. შემდეგ ლიმ გადაწყვიტა შეერთებოდა პენსიონერთა ჯგუფს, რომლებიც ჩართულნი იყვნენ რბოლაში, ფიზიკური აქტივობის გაზრდისა და ჯანმრთელობის გასაუმჯობესებლად.

ამის შემდეგ ქალი გადავიდა სპორტულ სიარულზე და დაიწყო შებრიბებში გმარჯვება.

2011 წელს, როდესაც ლი 84 წლის იყო, ფიზიოთერაპევტმა ურჩია მონაწილეობა მიეღო ოსტატთა თამაშში, ერთკვირიან ღონისძიებაში, სადაც სპორტსმენები მთელი ქვეყნის მასშტაბით ასპარეზობენ სოირტის სხვადასხვა სახეობებში, დაწყებული მძლეოსნობიდან ბოულინგით და ბილიარდით დამთავრებული.

ლიმ განაცხადა:

„ახალგაზრდა ქალებს ვამარცხებდი და ჩემი თავით საკმაოდ კმაყოფილი ვიყავი, ვფიქრობდი: „ჩემი ასაკის გათვალისწინებით, არც თუ ცუდად მივდივარ“.

სახლში დაბრუნებულმა ჰეზერმა აღმოაჩინა, რომ ოსტატთა თამაშებზე ნაჩვენები შედეგები ძალიან ახლოს იყო მსოფლიო რეკორდებთან 85-90 ასაკობრივ ჯგუფში. ამის შემდეგ ქალმა საკუთარ თავს მიზნად გარკვეული რეკორდების მოხსნა დაუსახა.

მან გაიმარჯვა და ახალი რეკორდები დაამყარა მოკლე დისტანციებზე რბოლებში და გრძელ დისტანციებზე, სამიდან ხუთ კილომეტრამდე ფეხით სიარულში.

ლი აღიარებს, რომ მას არ გააჩნია რაიმე განსაკუთრებული საიდუმლოება, მაგრამ მთელი ცხოვრება ცდილობდა აქტიური ყოფილიყო და სწორად იკვებებოდა. ამასთან, განმარტავს სპორტსმენი, ზომიერება ყველაფერში მნიშვნელოვანია და ფიზიკური აქტივობა ორგანიზმის ინდივიდუალური მახასიათებლებიდან გამომდინარე უნდა დაიგეგმოს.

„მე მომწონს ის, ვინც ვარ, რადგან ეს მაძლევს შესაძლებლობას ვიყო დამოუკიდებელი, ვიცხოვრო საკუთარ სახლში და ვიზრუნო საკუთარ თავზე“, - დაასკვნა პენსიონერმა.

ლი თავის აქტიურობას სხვა ადამიანების საკეთილდღეოდ იყენებს: ქმრის ხსოვნის საპატივცემულოდ აწყობს საქველმოქმედო მარათონებს და ფულს რიცხავს კიბოსთან ბრძოლის ფონდებში.