ბრიუს უილისი აფაზიას ებრძვის - ამის შესახებ სილვესტერ სტალონემ განაცხადა
ამის შესახებ The Hollywood Reporter იტყობინება.
მსახიობის თქმით, ავადმყოფობის გამო მისი კოლეგა მძიმე პერიოდს გადის.
„ბრიუსი ძალიან, ძალიან რთულ დღეებს გადის. ის რაღაცნაირად არ იყო კავშირში გარე სამყაროსთან. ეს მკლავს. ძალიან სამწუხაროა“, - თქვა სტალონემ.
მარტში უილისის ყოფილმა მეუღლემ, დემი მურმა განაცხადა, რომ მსახიობი ჯანმრთელობის პრობლემების გამო ასრულებდა კინოკარიერას.
მსახიობს აფაზიის დიაგნოზი დაუსვეს - ნევროლოგიური აშლილობა, რომელიც იწვევს მეტყველების დაქვეითებას, ზოგიერთ შემთხვევაში კი გავლენას ახდენს ადამიანის კითხვის, წერის და სხვისი მეტყველების გაგების უნარზე.
2022 წლის დასაწყისიდან მედიაში გამოჩნდა პუბლიკაციები, რომ ბრიუს უილისი დემენციით არის დაავადებული და კარიერის დასრულებას გეგმავს. ერთ-ერთმა პირველმა, ვინც ამის შესახებ დაწერა, იყო ბრიტანული ტაბლოიდი OK! სტატიაში ნათქვამია, რომ მსახიობს ჯანმრთელობის პრობლემები ორი წლის წინ დაეწყო.