„გულის ოპერაციასთან დაკავშირებით, მოსახლეობაში გავრცელებული შიში ემოციური კომპონენტია“ - ავსტრიელი კარდიოქირურგი, პროფესორი ოტო დაპუნტი BMC - ში!
პროფესორი BMC-ის კარდიოქირურგიულ დეპარტამენტს ხელმძღვანელობს და გუნდთან ერთად წარმატებული ოპერაციების ისტორიებიც უკვე დააგროვა.
რა გახდა კარდიოქირურგიის დეპარტამენტის გახსნის საფუძველი და რატომ გაკეთდა არჩევანი ავსტრიელ კარდიოქირურგზე? BMC-ის გენერალური დირექტორი, ეკა ზოიძე ამბობს, რომ გადაწყვეტილებას წინ უძღოდა რამდენიმე მნიშვნელოვანი და საყურადღებო მიზეზი.
„სტატისტიკური მაჩვენებლებით, აჭარიდან კარდიოქირურგიული პრობლემების მქონე პაციენტების დიდი ნაწილი, 40% - ზე მეტი, სამკურნალოდ დედაქალაქში ან თურქეთში მიდიოდა, ვინაიდან მოქალაქეებს ჩვენს რეგიონში ყველა სირთულის ოპერაციების ჩატარების შესაძლებლობა არ ჰქონდათ. ამიტომ, მიზნად დავისახეთ მაღალი ხარისხის კარდიოქირურგიული სერვისი 24/7-ზე შეგვექმნა. არჩევანი გავაკეთეთ სპეციალისტზე, რომელსაც ევროპის მასშატაბით ურთულესი ოპერაციების ჩატარების გამოცდილება აქვს. ოტო დაპუნტი ევროპაში ერთ-ერთი ლიდერია გულზე მინიინვაზიური და კომბინირებული ოპერაციების მიმართულებით. პროფესორი ისეთი სირთულის ოპერაციებს ატარებს, რომელიც ჩვენს ქვეყანაში აქამდე ხელმისაწვდომი არ იყო. BMC - ში ავსტრიელი კარდიოქირურგის სამედიცინო საქმიანობით მოსახლეობა უკვე ღებულობს სრულ კარდიოქირურგიულ სერვისს ქვეყნიდან გაუსვლელად. ასევე, მინდა აღვნიშნო, რომ BMC- ის კარდიოლოგიის დეპარტამენტის წარმატებულმა მუშაობამ და პაციენტების მაღალმა მომართვიანობამ დაგვანახა კარდიოქირურგიის დეპარტამენტის გახსნის საჭიროება და აუცილებლობა. ჩვენს კლინიკაში კონსულტაციისა და კვლევების შედეგად გამოვლენილი კარდიოქირურგიული პაციენტების გადამისამართება დისკომფორტს უქმნიდა როგორც პაციენტს, ასევე, ექიმს.
დღეს BMC პაციენტებს კარდიოლოგიური და კარდიოქირურგიული სერვისების სრულ სპექტრს ერთ სივრცეში სთავაზობს, როგორც ამბულატორიული, ასევე, სტაციონარული მომსახურეობით“ .
საქართველოსა და ოტო დაპუნტს შორის ურთიერთობა ჯერ კიდევ 2010 წელს დაიწყო, გაცვლითი პროგრამებით, რომელიც თბილისის სახელმწიფო სამედიცინო უნივერსიტეტსა და იმ კლინიკებში ხორციელდებოდა, სადაც პროფესორი მუშაობდა. წლებთან ერთად, მისი სიყვარული საქართველოსა და ქართველი ხალხის მიმართ გაიზარდა. ეს ერთგვარი საფუძველი გახდა ჯერ დროებით, შემდგომ კი მუდმივად დამკვიდრებულიყო საქართველოში. ამჯერად, მან არჩევანი BMC - ზე გააკეთა.
„როდესაც პირველად ვნახე ბათუმის სამედიცინო ცენტრში (BMC) კარდიოლოგიის დეპარტამენტი, ასევე, დავათვალიერე კარდიოქირურგიის სრულყოფილი ფუნქციონირებისთვის შექმნილი სივრცე, ჩემთვის ნათელი გახდა ამ კლინიკაში მაღალი ხარისხის კარდიოქირურგიული დეპარტამენტის ჩამოყალიბების შესაძლებლობა. ამასთანავე, საშუალება მომეცა საქმიანობა გამეგრძელებინა იმ შესანიშნავ გუნდთან ერთად, რომელმაც შეძლო ძალიან კარგი შედეგების მიღწევა წარსულში და დარწმუნებული ვართ, ამ შედეგებს გავაუმჯობესოთ,“ - ამბობს ოტო დაპუნტი.
პროფესორი ამბობს, რომ გულზე ოპერაციული გზით მკურნალობა კატასტროფა არ არის და რომ მოსახლეობაში გავრცელებული შიში ოპერაციასთან დაკავშირებით, ვერ პოულობს დასაყრდენს სამეცნიერო მონაცემებში.
„გვერწმუნეთ, ოპერაციის შემდეგ საგრძნობლად უმჯობესდება პროგნოზი, ცხოვრების ხარისხი და ხანგრძლივობა“.
R