რაშია ძალიან გამხდარი ადამიანების საიდუმლო
მკლვევარებმა გააანალიზეს სხეულის ნორმალური მასის ინდექსის მქონე 173 და ძალიან დაბალი მასის ინდექსის მქონე 150 ჯანმრთელი ადამიანის მონაცემები.
ორი კვირის განმავლობაში მეცნიერები აკვირდებოდნენ მონაწილეებს. ზომავდნენ მათი საკვების მოხმარების დონეს და ფიზიკურ აქტიოვბას. გამოირკვა რომ ძალიან გამხდარი მონაწილეები 12%-ით ნაკლებ საკვებს ღებულობდნენ, ვიდრე ნორმალური წონის ადამიანები. ამას გარდა, ისინი მნიშვნელოვნად (23%-ით) ნაკლებად აქტიურები იყვნენ.
ამას გარდა, გამხდარ მონაწილეებს აღენიშნებოდა ნივთიერებათა ცვლის მაღალი დონე მოსვენებულ მდგომარეობაში, ანუ ისინი ბევრ ენერგიას ხარჯავდნენ მაშინაც კი, როდესაც არაფერს აკეთებდნენ. მკვლევარებმა ეს ეფექტი ფარისებრი ჯირკვლის (არეგულირებს ნივთიერებათა ცვლას) მომატებულ აქტივობას დაუკავშირეს.
მიუხედავად დაბალი ფიზიკური აქტივობისა, ძალიან გამხდარ მონაწილეებს გულ-სისხლძარღვთა სისტემის მაჩვენებელბი, მათ შორის სისხლში ქოლესტერინის დონე და არტერიული წნევა, ჰქონდათ ნორმის ფარგლებში. მკვლევარების ვარაუდით, ცხიმოვანი გროვების შემცირება ფიზიკურ დატვირთვაზე არანკალები სარგებლის მომტანია.
მეცნიერებმა ჯერჯერობით ვერ გაარკვიეს, რა ბიოლოგიური მექანიზმები უდევს გამხდარი ადმაინების ნივთიერებათა ცვლას საფუძვლად. მაგრამ ვარაუდობენ, რომ აქ მნიშვნელოვან როლს გენტიკური მუტაციები ასრულებენ.