გაიგეთ, გჭირდებათ თუ არა ბრეკეტები
ბრეკეტები მოუხსნელი კონსტრუქციებია, რომლებიც, როგორც წესი, კბილთა რკალის გასასწორებლად გამოიყენება, თუმცა აღსანიშნავია ისიც, რომ თანამედროვე ორთოდონტია ორიენტირებულია არა მხოლოდ კბილების გასწორებაზე, არამედ ჯანმრთელ სახსრებზე, უკეთეს გარეგნობასა და ცხოვრების უკეთეს ხარისხზე.
ხშირად ფიქრობენ, რომ ბრეკეტების გაკეთება მხოლოდ მაშინ არის საჭირო, როცა კბილთა რკალში დარღვევებია. რეალურად, ბრეკეტების გაკეთება საჭიროა, თუკი:
- კბილთა რკალის არასწორი შეთანასომება;
- ესთეტიკური დისკომფორტი;
- სახსრის ტკაცუნი, პირის გაღების გაძნელება, დისკომფორტი ყბა-სახსარის არეში (სასურველია, ორთოდონტიული და გნათოლოგიური მკურნალობის ერთდროულად ჩატარება);
- შესამჩნევია კბილების ან ყბის ასიმეტრია;
- დარღვეულია თანკბილვა.
ბრეკეტებით მკურნალობისთვის ყველაზე ეფექტურ ასაკად 11-18 წელია მიჩნეული, თუმცა მისი გაკეთება ნებისმიერ ასაკში შედეგიანია. 11 წლამდე პრობლემის მოგვარება ბრეკეტსისტემის გარეშე ხდება. ამ დროს კბილები უფრო დამყოლია და მათი ადგილმდებარეობის შეცვლა შესაძლებელია ფირფიტებით. წლების წინ მიიჩნეოდა, რომ ბრეკეტები მხოლოდ ზრდასრულობამდე იყო ეფექტური. ახლა კი ორთოდონტიის თანამედროვე მიღწევების საშუალებით, ნებისმიერ ასაკშია შესაძლებელი დარღვეული თანკბილვის გასწორება ან სხვა ზემოთდასახელებული პრობლემების მოგვარება.
მკურნალობის პერიოდის შერჩვეა ხდება ინნდივიდუალურად პაციენტის მდგომარეობიდან გამომდინარე.
მას შემდეგ რაც ბრეკეტების გაკეთებას გადაწყვეტთ, ორთოდონტთან ერთად უნდა შეარჩიოთ ბრეკეტსისტემის ის ტიპი, რომელიც თქვენს პრობლემაზე მაქსიმალურად მორგებული იქნება. დღეს შემდეგი ტიპის ბრეკეტებია ხელმისაწვდომი:
- მეტალის ბრეკეტები - თანამედროვე ეპოქაში მეტალის ბრეკეტები ყველაზე ფართოდ გავრცელებული და ამავდროულად, ხელმისაწვდომი კონსტრუქციაა, რომელიც მაგრდება კბილის გარეთა ზედაპირზე, არის მტკიცე და საიმედო ფიქსაციის;
- კერამიკული ბრეკეტები - ამ კონსტრუქციის უპირატესობა მის ესთეტიკურობაშია, მეტალის ბრეკეტისგან განსხვავებით, ის იმეორებს კბილის ბუნებრივ ფერს და ყოველდღიურ ცხოვრებაში არის ნაკლებად შესამჩნევი;
- ლინგვალური ბრეკეტი - ამ კონსტრუქციას ხშირად „კბილის შიდა ბრეკეტსაც“ უწოდებენ. მისი ფიქსაცია კბილის უკანა მხარეს ხდება და გამოიყენება შედარებით მსუბუქი შემთხვევის დროს და მაშინ როდესაც პაციენტს არ სურს, რომ მისი ბრეკეტები ვიზუალურად აღქმადი იყოს.
- თვითლიგირებადი ბრეკეტები - ისევე როგორც მეტალისა და კერამიკის ბრეკეტები, თვითლიგირებადი ბრეკეტებიც კბილის ზედაპირზე გარედან მაგრდება. ამ კონსტრუქციის მთავარ უპირატესობას წარმოადგენს ის, რომ მნიშვნელოვნად გამარტივებულია ჰიგიენა და საჭიროებს მკურნალობის შედარებით ნაკლებ პერიოდს;
- საფირის ბრეკეტები - კერამიკული ბრეკეტების მსგავსად საფირის ბრეკეტებიც ვიზუალურად ნაკლებად შესამჩნევია, განსხვავებით კერამიკული ბრეკეტებისა იგი ხასიათდება გამჭვირვალე ეფექტით და სწორედ ეს წარმოადგენს მის მთავარ უპირატესობას.