ძაღლმა ბრიტანეთში ბიჭუნა დიაბეტური კომისგან იხსნა
იტყობინება Mirror.
შვიდი წლის თომას ფრენჩს რამდენიმე წელიწადია ტიპი 1 შაქრიანი დიაბეტი აქვს. მშობლები იძულებულები არიან მუდმივად აკონტროლონ შვილის სისხლში შაქრის დონე.
ვახშმობის შემდეგ, ტესტ-ჩხირებმა, რომელთაც ჩვეულებრივ ჭამის შემდეგ იყენებდა თომასი, აჩვენა, რომ სისხლში შაქრის დონე იყო ნორმაში. რაღაც მომენტში ბავშვის დედამ ყურადღება მიაცია მათი სპანიელის, პოპის უცნაურ ქცევას.
ძაღლი იყო აღელვებული, წკმუტუნებდა და ბავშვს ხელებზე ახტებოდა. უეცრად ბავში ცუდად გახდა, დაკარგა გონება. გამოძახებაზე მოსულმა მედიკოსებმა გაზომეს ბავშვის სისხლში შაქრის დონე და აღმოაჩინეს, რომ ის კრიტიკულად საშიშ დონემდე იყო დაცემული. „ეს ვახშმობის შემდეგ მოხდა, პოპი ჩამოხტა დივანიდან, ხმამაღლა ყეფდა და იქცევდა ყურადღებას. აღმოჩნდა, რომ ბავშვს სისხლში შაქრის დონე უფრო სწრაფად დაეცა, ვიდრე ამაზე ტესტმა ირეაგირა“- განაცხადა ბავშვის დედამ. მედიკოსებმა შეძლეს ბავშვის გადარჩენა. ბავშვის დედას მიაჩნია, რომ მისი შვილი ცოცხალი მხოლოდ ძაღლის ყნოსვის წყალობით გადარჩა.