რომელი ჩვევები გვილახავს სილამაზეს
პირველი მათგანი არის ცხოვრების უმოძრაო წესი: მჯდომარე სამუშაო პრობლემას უქმნის ტანდეგობასა და ხელს უწყობს ფეხების შეშუპებას. ლიმფურ სისტემაში აღინიშნება შეგუბება, რომელიც გამშვები ღილაკი შეიძლება აღმოჩნდეს ინფექციური დაავადებების კასკადისათვის.
ხშირი ავადობა განაპირობებს ჩვენს ცუდ შესახედაობას, რადგანაც ორგანიზმის რესურსები ინფექციასთან ბრძოლაში იხარჯება და აღარაა საკმარისი კანის კვებისთვის. თუ არ არის კვება, შესაბამისად ქსოვილები კარგავენ სიმკვრივეს. მშრალი კანი უფრო მიდრეკილია ნაოჭების წარმოქმნისაკენ.
მნიშვნელოვანი ფაქტორია ძილის ხარისხი. ძილის დროს ორგანიზმი აღიდგენს დღის განმავლობაში დაკარგულ რესურსებს.
არანაკლებ მნიშვნელოვანია კვება. უნდა მივიღოთ ნაკლები ტკბილეული, რადგანაც შაქარი პროვოცირებს კოლაგენისა და ელასტინის გამომუშავების დაქვეითებას, რის შედეგადაც კანზე ჩნდება ნაოჭები.
კვების ზედმეტ შეზღუდვასაც უნდა მოვერიდოთ. მწირი რაციონი ვერ აღადგენს ორგანიზმის სრულფასოვანი მუშაობისთვის აუცილებელი მიკრო- და მაკრონუტრიენტების მარაგს. მაგალითად ცხიმიან პროდუქტების შეზღუდვა ხელს უშლის კალციუმის ათვისებას, ხოლო ვეგანური რაციონი ვერ უზრუნველყოფს ორგანიზმს სრულად ძირითადი საშენი მასალით - ცილით.
